ෆේස්බුක් සමාජ ජාලයට බුදු පිළිමයක් විකෘතිකර පළ කළ බවට සැකපිට කඩුගන්නාව දන්තුරේ ප්‍රදේශයේ මුස්ලිම් තරුණයකු අත්අඩංගුවට ගෙන මහනුවර මහේස්ත්‍රාත් අධිකරණයට ඉදිරිපත් කිරීමෙන් පසුව ලබන ජුනි 14 වැනිදා දක්වා රක්ෂිත බන්ධනාගාරගතකර තිබේ.
එම තරුණයාගේ නිවසට ගල් ප්‍රහාරයක් එල්ල කළ තවත් දෙදෙනෙකුද අත්අඩංගුවට ගෙන ඇතැයි වාර්තා වේ.මෙසේ රක්ෂිත බන්ධනාගාරගතකර ඇත්තේ නොම්බර 291 මුන්වගොඩ දන්තුරේ ලිපිනයේ පදිංචිව සිටි විසිඑක් හැවිරිදි අබ්දුල් රහීම් මහමුද් සුවාහිර් නැමැති අයයි.
ඔහුගේ නිවසට ගල් ගැසූ බවට සැකපිට අත්අඩංගුවට ගෙන ඇත්තේ නාඩිතලාව දන්තුරේ පදිංචි තිස්හතර හැවිරිදි පහළ ගෙදර රණසිංහ හා උඩවෙල දන්තුරේ පදිංචි 40 හැවිරිදි ගලහිටියාවේ ගෙදර නිශාන්ත කුමාර නැමැති දෙදෙනාය.