මඩකලපුව, කලවංචිකුඩි රෝහල් භූමියේ පිහිටි අවුරුදු 400කට වඩා පැරණි බෝධියක් කපා දැමීමට රෝහල් බලධාරීන් ගත් තීරණයට එම රෝහලේ සිංහල සේවකයන්ගේ විරෝධය එල්ල වී තිබෙනවා.
එම බෝධිය කපා දැමීම සදහා රෝහල් බලධාරීන් පළාත් පාලන ආයතනයෙන් අවසර ලබාගෙන ඇති අතර, සිංහල සේවකයන්ගෙන් එල්ල වූ විරෝධය හේතුවෙන් බෝධිය කපා දැමීම තාවකාලිකව නවතා ඇති බවයි වාර්තා වන්නේ.
ජනාධිපති මෛත්‍රීපාල සිරිසේන මහතා ඉදිරි දෙසතිය ඇතුළතදී මඩකලපුව ප්‍රදේශයේ සංචාරය කිරීමට නියමිතව තිබෙන අතර, රෝහල් බලධාරීන් ජනාධිපතිවරයා හමුවී බෝධිය කපා ඉවත්කිරීමට අවසර ඉල්ලීමට සූදානමින් සිටින බවද එම රෝහල් ආරංචිමාර්ග පවසනවා.