විනාඩියක කාලයක් තුළ කොවිඩ් -19 ආසාදිතයන් හඳුනාගැනීම සඳහා සිංගප්පුරු වෛද්‍යවරුන් පිරිසක් සොයාගත් නව පරීක්ෂණයට එරට රජයේ අනුමැතිය හිමිව තිබේ.
සිංගප්පුරු ජාතික විශ්වවිද්‍යාලයට අයත් වෛද්‍ය කණ්ඩායමක් විසින් අදාළ පරීක්ෂණ උපකරණය නිර්මාණය කර ඇති බව විදෙස් මාධ්‍ය වාර්තා කළේය.
එම උපකරණය මගින් විනාඩියක කාලයක් යම් පුද්ගලයෙකුගේ ආශ්වාස සහ ප්‍රශ්වාස නිරීක්ෂණය කරමින් ඔහු කොවිඩ් ආසාදිතයෙකු ද යන්න තහවුරු කරන බව වාර්තා වේ.
පර්යේෂණ කටයුතු අවසන්වීමෙන් පසු එම උපකරණය සිංගප්පුරු සෞඛ්‍ය බලධාරීන් වෙත ඉදිරිපත් කර තිබුණි.