ආරක්ෂක ලේකම් කරුණාසේන හෙට්ටිආරච්චි මහතා ආබාධිත හමුදා සෙබළුන්ට විශ්රාම වැටුප් ලබාදෙන බවට ලිඛිතව පොරොන්දු වුවද මුදල් ඇමතිවරයා ඉදිරිපත් කළ අයවැය යෝජනාවල ඒ සඳහා මුදල් වෙන්කර නොමැති බව විශ්රාමික මේජර් අජිත් ප්රසන්න මහතා පවසයි.
ඒ අනුව නැවතත් ආබාධිත සෙබළුන් රැවටීමට ලක්කර ඇති බව ඔහු පෙන්වා දෙයි.
ආබාධිත සෙබලුන් සතියකටත් වැඩි කාලයක් මහමග විරෝධතා දක්වමින් විශ්රාම වැටුප් ලබාදෙන ලෙස කළ ඉල්ලීමට ප්රතිචාර ලෙස ආරක්ෂක ලේකම්වරයා ලබන පෙබරවාරි මාසයේ සිට විශ්රාම වැටුප් ලබාදෙන බව ලිඛිතව පොරොන්දු වූ අතර මාධ්ය ඉදිරියේදීද ඔහු එය ප්රකාශ කළ බවයි අජිත් ප්රසන්න මහතා පෙන්වා දෙන්නේ. ඒ අනුව ලබන පෙබරවාරි මාසයේ සිට විශ්රාම වැටුප් ලබාදෙන්නේ කෙසේද යන්න සම්බන්ධයෙන් ආරක්ෂක ලේකම්වරයා පැහැදිලි කළයුතු බවයි ඔහු පෙන්වා දෙන්නේ.