ඩොලරය හමුවේ මෙම වසරේ ලොව හොඳම ක්‍රියාකාරී මුදල් ඒකකය වූ ශ්‍රී ලංකා රුපියල මෙම වසර අවසාන වන විට නැවත වරක් පහළ යෑම ආරම්භ විය හැකි බවත් මෙම වසර අවසාන වන විට ඩොලරයට සාපේක්ෂව ශ්‍රී ලංකා රුපියලේ අගය සියයට 20 කින් පහළ යා හැකි බවත් ෆිච් ශ්‍රේණිගත කිරීමේ ආයතනය පෙන්වා දී තිබේ.
මෙම වසර අවසාන වන විට ඩොලරයට සාපේක්ෂව ශ්‍රී ලංකා රුපියලේ අගය 390 දක්වා පහත වැටෙනු ඇතැයි ෆිච් ශ්‍රේණිගත කිරීම් ආයතනය පුරෝකථනය කර ඇත.
ශ්‍රී ලංකාවට ජාත්‍යන්තර මූල්‍ය අරමුදලේ විධායක කමිටුවේ අනුමැතිය ඉතා ඉක්මණින් ලබා ගත හැකි වෙතැයි සුභවාදිව බලාපොරොත්තු වන බව ෆිච් ශ්‍රේණිගත කිරීමේ ආයතනය පවසා ඇත.
විධායක කමිටුවේ අනුමැතිය ලැබීමෙන් පසුව ශ්‍රී ලංකාවේ දුර්වල ආර්ථික තත්ත්වය සහ පැවැත්වීමට නියමිත මැතිවරණය හේතුවෙන් ජාත්‍යන්තර මූල්‍ය අරමුදලේ වැඩසටහනට අනුකූලව කටයුතු කිරීම ශ්‍රී ලංකාවට අපහසු කරුණක් වීමට ඉඩ ඇතැයි ෆිච් ශ්‍රේණිගත කිරීමේ ආයතනය පෙන්වා දී තිබේ.