පැන්ඩෝරා පත්‍රිකා මගින් අනාවරණය කෙරුණු මෙරට ඇතැම් පුද්ගලයින්ගේ විදෙස් වත්කම් පිළිබඳව සොයාබැලීමට පාර්ලිමේන්තු තේරීම් කාරක සභාවක් පත්කළ යුතු බව රාජ්‍ය අමාත්‍ය දයාසිරි ජයසේකර මහතා පැවසීය.
ගිං නිල්වලා ව්‍යාපෘතියෙනුත් මේ රටේ ඇතැම් පුද්ගලයන්ගේ ගිණුම් වලට මුදල් ගිය බව පැවසෙන බවත් මේ ප්‍රශ්නය ගැන ඔහේ කතා කරගෙන ඉන්නවට වඩා ඒ පිළිබඳව මැතිසබයේ පුළුල් සාකච්ඡාවක් ඇති වීම වැදගත් බවත් රාජ්‍ය ඇමැතිවරයා කීවේය.
“අපි මේ ගැන සාකච්ඡා කරලා යෝජනා අදහස් ගේමු” යයිද දයාසිරි ජයසේකර මහතා ඊයේ (22)දින පාර්ලිමේන්තුවේදී සඳහන් කළේය.