ආලෝක සංඥා අක්‍රීය කර රථවාහන පාලනය නොකරන ලෙස වැඩ බලන පොලිස්පති ප්‍රියන්ත වීරසූරිය මහතා පොලිසියට උපදෙස් දී තිබේ.
රථවාහන ආලෝක සංඥා සවිකර ඇති ස්ථානවල එම ආලෝක සංඥා අක්‍රීය කර පොලිස් නිලධාරීන් රාජකාරියේ යෙදවීම ආලෝක සංඥා පුවරු සවිකිරීම මගින් අපේක්ෂා කරන ලද අරමුණුවලට පටහැනි බවයි, වැඩ බලන පොලිස්පතිවරයා පෙන්වා දෙන්නේ.
එසේම එම ස්ථානවල රථවාහන පාලනයට රාජකාරි සඳහා යොදවනු ලබන පොලිස් නිලධාරීන්ගේ ශ්‍රමය අපතේ යෑමක් එමගින් සිදුවන බව ද හෙතෙම පෙන්වා දී තිබේ.
මින් ඉදිරියට රථවාහන අලෝක සංඥා පුවරු මගින් රථවාහන පාලනය වීම ප්‍රමාණවත් නොවන අවස්ථාවක හැර ආලෝක සංඥා නවතා පොලිස් නිලධාරීන් රථ වාහන පාලනය කිරීම නොකළ යුතු බව අවධාරණය කර තිබේ.