හාල් නිෂ්පාදනය කිරීම සඳහා අවශ්‍ය වී නොමැතිකම හේතුවෙන් අනුරාධපුර දිස්ත්‍රික්කයේ සුළු පරිමාණ වී මෝල් සියල්ල වසා දමා ඇතැයි ශ්‍රී ලංකා සුළු හා මධ්‍යම පරිමාණ වී මෝල් හිමියන්ගේ සංගමයේ සභාපති යූ.කේ. සේමසිංහ මහතා පැවැසීය.
වෙළෙද පොළේ වී වල මිලත් ඉහළ ගොස් දැන් වී කිලෝවක මිල රුපියල් 140 ක් වෙන බව ද ඔහු කීය.මේ සම්බන්ධයෙන් සභාපතිවරයා මෙසේ ද පැවැසීය.” වී කිලෝවක් රුපියල් 140 අරත් රජයේ පාලන මිලට හාල් දෙන්න බෑ. ගොවින් සතුව යම් ප්‍රමණයක වී තිබෙනවා. එහෙත් නිසි පරිදි මෙවර අනුරාධපුර දස්ත්‍රික්කයට වැසි නොලැබීම නිසා ඔවුන් වී වෙළෙඳ පොළට ලබා දෙන්නේ නෑ.
රජය මැදිහත්වෙලා මේ සම්බන්ධයෙන් ක්‍රියා මාර්ගයක් ගත යුතුයි. අතර මැදි වී තොග රැස්කරන්නන් හා මහ පරිමාණ මෝල් හිමියන් සන්තකයේ ලබන ජනවාරි, පෙබරවාරි දක්වා අවශ්‍ය වී තොග තිබෙනවා. නමුත් ඔවුන් ඒවා විවෘත වෙළඳ පළට ලබා දෙන්නේ නැහැ”.