රනිල් වික්‍රමසිංහ මහතා ජනාධිපති ලෙස සිටියේ නම් ජාත්‍යන්තර මුල්‍ය අරමුදලේ මීලග ණය වාරිකය මේ වන විට ලැබී අවසන් බව හිටපු අමාත්‍ය මනූෂ නානායක්කාර මහතා පවසයි.
ගාල්ල ප්‍රදේශයේ පැවති ජනහමුවක් අමතමින් ඔහු කියා සිටියේ කල් ගිය අයවැය සහ වත්මන් රජය මහ මැතිවරණය පැවැත්වීමට තීරණය කිරීම හේතුවෙන් එම වාරිකය දින නියමයක් නොමැතිව කල් දමා ඇති බවයි.
‘අයිඑම්එෆ් ණය වාරිකය ලබන සතියේ ගෙවෙන්නේ නැහැ. නමුත් එහි නියෝජිතයින් පිරිසක් ලබන සතියේ ලංකාවට පැමිණීමට නියමිතයි.
අයිඑම්එෆ් එකට ප්‍රශ්නයක් තිබෙනවා බදු අඩු කල විට රටේ අයවැය හිඟය පියවන්නේ කෙසේද කියා. අයවැයෙන් පස්සේ සහන දෙනවා කිවුවා බදු අඩු කරනවා කිව්වා.
අවාසනාවකට මේ අය වාරික පැත්තකින් තියලා මැතිවරණ ජයග්‍රහණ වෙනුවෙන් තීන්දු තීරණ ගත්තේ.
ඒකයි අයවැය ඉදිරිපත් නොකර මැතිවරණය පැවැත්වුණේ.
ගමේ බුරම්පි මාමාව ගොනාට අන්දනවා වගේ බොරු කියලා අයිඑම්එෆ් එක රවට්ටන්න බෑ.
මේ අය මැතිවරණයට මුල්තැන දීලා අයිඑම්එෆ් න්‍යාය පත්‍රය නොසලකා අයවැය පැත්තකට දැම්මා’