වසර දෙකක් වැනි කෙටි කාලයක් තුළ බංකොලොත්භාවයෙන් එළියට පැමිණි පළමු රට ශ්‍රී ලංකාව බව හිටපු ජනාධිපති රනිල් වික්‍රමසිංහ පවසයි.
ඔහු පෙන්වා දෙන්නේ ඒ සඳහා තමන්ට උදව් කළ අත්දැකීම් සහිත පළපුරුදු පිරිස ඉදිරි මහා මැතිවරණයේ දී පාර්ලිමේන්තුවට තෝරාපත් කොට යැවිය යුතු බවයි.
මේ වන විට ආණ්ඩු පක්ෂයේ පළපුරුදු අත්දැකීම් සහිත කිසිවෙකුත් නොමැති බවත් ඔවුන් රට කොතැනට රැගෙන යා දැයි කිව නොහැකි බවත්ය.
බස් රථයක් භාරදිය යුත්තේ බලපත්‍රයක් සහිත රියදුරෙකුට බව ද එසේ නොකොට ටියුෂන් දිය යුතු මට්ටමේ පිරිසකට රට භාර දුනහොත් කොතලාවල බස් රථය මෙන් රට ද අනතුරට ලක්වනු ඇති බවත් රනිල් වික්‍රමසිංහ ජනාධිපතිවරයා පෙන්වා දෙයි.
හිටපු ජනාධිපතිවරයා මේ බව ප්‍රකාශ කළේ ඉන්ඩිෆෙන්ඩන්ඩ් ආර්කේඩ්හි පැවැති හමුවකට එකතු වෙමිනි.