විදෙස්ගතව සිටිමින් මත්කුඩු ජාවාරමේ යෙදෙන පාතාල සාමාජිකයෙක් ලෙස සැලකෙන “කුඩු අංජු” නැමැත්තාගේ දේපළ අද (21) දින අපරාධ පරීක්ෂණ දෙපාර්තමේන්තුව පවරාගෙන තිබේ.
අපරාධ පරීක්ෂණ දෙපාර්තමේන්තුවේ නීතිවිරෝධී දේපළ හෝ වත්කම් විමර්ශන කොට්ඨාසය විසින් රත්මලාන, මොරටුමුල්ල ප්‍රදේශයේදී අදාළ පවරාගැනීම් සිදුකර ඇත.
එහිදී නිවාස දෙකක්, රත්‍රන් තොගයක්, කුඩා ලොරියක්, ත්‍රීරෝද රථයක් සහ යතුරු පැදියක් හමුවී තිබේ.
පොලීසිය සදහන් කරන්නේ, එම දේපළවල වටිනාකම රුපියල් කෝටි තුනට අධික බවත් එම දේපළ “කුඩු අංජු” නැමැත්තාගේ බිරිඳගේ නමින් ඇති බවත් ය.
එම පුද්ගලයා 2018 වසරෙන් පසුව මත්ද්‍රව්‍ය ජාවාරමෙන් උපයාගත් මුදල් යොදා අදාළ වත්කම් මිලදීගෙන ඇතැයි වාර්තා විය.