Colombo Today Local News

චීනය උතුරේ දුපත් තුනක ක්‍රියාත්මක කිරීමට සූදානම් වූ විදුලිය ව්‍යාපෘතිය අත්හිටුවයි

උතුරේ දුපත් තුනක ක්‍රියාත්මක කිරීමට සූදානම් වූ විදුලිය ව්‍යාපෘතිය අත්හිටුවීමට චීනය තීරණය කර තිබේ.

චීන තානාපති කාර්යාලය නිකුත් කළ ට්විටර් පණිවුඩයක සඳහන් වන්නේ තුන්වන පාර්ශවයක් විසින් ආරක්ෂාව සම්බන්ධයෙන් මතුකළ කරුණු හේතුවෙන් සයිනෝ සෝර් හයිබ්‍රිඩ් ටෙක්නොලජි චීන සමාගම මේ ව්‍යාපෘතිය අත්හිටුවා ඇති බවයි.

ශ්‍රී ලංකාවේ ව්‍යාපෘති තුන අත්හැර දැමූ චීන සමාගම මාලදිවයිනේ දූපත් 12 ක සූර්ය බලාගාර පිහිටුවීම සඳහා එරට රජය සමග පසුගිය 29 වැනිදා ගිවිසුම් අත්සන් කර තිබේ.

උතුරු පළාතේ ඩෙල්ෆ් , අනලතිව් සහ නයිනතිව් දූපත්වල මෙම විදුලි ව්‍යාපෘතිය ක්‍රියාත්මක කිරීමට චීන සමාගම සුදානමින් සිටියේ ය.

ඒ සඳහා කැබිනට් අනුමැතිය ද ලැබී තිබූ අතර ඉන්දියාව අවස්ථා කිහිපයකදීම මෙම චීන ව්‍යාපෘති පිළිබඳව විමසිල්ලෙන් පසුවන බව ප්‍රකාශ කළේ ය.

උතුරේ දූපත් 03 ක විදුලි ව්‍යාපෘති අත්හිටුවන බව චීනය මෙලෙස නිවේදනය කළේ, මුදල් අමාත්‍ය බැසිල් රාජපක්ෂ මහතා ඉන්දියාවේ නිල සංචාරයක නිරතවී සිටින අතරවාරයේයි.

Related posts

ට්‍රම්ප් පාලනය සමග ශ්‍රී ලංකාව නිල සාකච්ඡා අරඹයි !

colombotoday

මිළ සූත්‍රය අනුව ලබන මාසයේ ඉන්ධන මිළ පහල යා හැකියි…

colombotoday

රාජිත, චම්පික කැබිනට්ටුවේදී මංගල සමග ගැටෙති

colombotoday

අණ්ඩ දැමූ අයවැයේ අවසන් ඡන්ද විමසීම අද

colombotoday

එජාපයේ ජනප‍්‍රියම නායකයා ගෝටාභයයි !

colombotoday

කොරෝනා සුව වූ පළමු ‍නාවික පුද්ගලයා අයිඩීඑච් රෝහලින් පිටව යයි.

colombotoday