ඉදිරි ජනාධිපතිවරණය සඳහා එක්සත් ජාතික පක්ෂයෙන් ඉදිරිපත් කරන්නේ පක්ෂයේ නායකයෙක් යැයි එක්සත් ජාතික පක්ෂ ජාතික සංවිධායක පාර්ලිමේන්තු මන්ත්රී නවීන් දිසානායක මහතා අද (21) පැවසීය.
මහනුවරදී මහ නාහිමිවරුන් හමුවීමෙන් පසුව 20 වැනිදා තමා කී කතාවක් වැරදි අයුරින් සමාජගත වී තිබෙන බව කී නවීන් දිසානායක මහතා ජනාධිපතිවරණය සඳහා අනිවාර්යයෙන්ම ඉදිරිපත් කරන්නේ එක්සත් ජාතික පක්ෂ නායකයකු බව පැවසුවේය.
සන්නිවේදන දුර්වලතා නිසා වෙනත් අරුතක් ඇති පුවතක් සමාජ ගත වී තිබෙන බවද ඒ මහතා පැවසීය.
කොළඹ අරලියගහ මන්දිරයේ පැවැති මාධ්ය හමුවකදී දිසානායක මහතා මේ බව සඳහන් කළේය