නීත්‍යානුකූල අවසරයකින් තොරව සේවයට වාර්තා නොකළ ත්‍රවිධ හමුදා සාමාජිකයන් සදහා නීත්‍යානුකූලව සේවයෙන් ඉවත් වීමට ආරක්ෂක අමාත්‍යාංශය මගින් ප්‍රකාශයට පත්කරන ලද පොදු සමා කාලය තුළදී 14.000කට ආසන්න පිරිසක් හමුදා සේවයෙන් ඉවත්ව ගොස් ඇති බව ආරක්ෂක අමත්‍යාංශය සදහන් කරයි.
ඊයේ (13) නිමා වූ පොදු සමා කාලය තුළදී මෙලෙස යුද හමුදාවේ 12347ක්, නාවික හමුදාවේ 756ක්, ගුවන් හමුදාවේ 544ක් සන්නද්ධ සේවාවලින් ඉවත්ව ගොස් ඇති බව සදහන් වේ.
මෙම පොදු සමා කාලසීමාව ඉක්ම යාමෙන් අනතුරුව මෙතෙක් සේවයට වාර්තා නොකර සිටින පිරිස් අත්අඩංගුවට ගැනීමට සහ නීත්‍යානුකූලව ක්‍රියා කිරීමට කටයුතු කෙරෙනු ඇති බව එම අමාත්‍යාංශය වැඩිදුරටත් සඳහන් කරයි.
මුලාශ්‍රය රාජ්‍ය ආරක්ෂක අමාත්‍යාංශය