රජයේ වෛද්‍ය නිලධාරීන්ගේ සංගමයේ නව නිලධාරී මඩුල්ල ලෙස එහි හිටපු සභාපති විශේෂඥ වෛද්‍ය අනුරුද්ධ පාදෙණිය මහතා ඇතුළු කණ්ඩායම යළිත් නිතරෙගයෙන් පත්වී තිබේ.
පාදෙණිය මහතා මෙවර එහි සභාපති ධුරයට පත්ව ඇත්තේ අඛණ්ඩව 6 වැනි වරටය.
මෙතෙක් සංගමයේ මාධ්‍ය ප‍්‍රකාශකවරයා ලෙස කටයුතු කළ වෛද්‍ය නවීන් ද සොයිසා මහතා මෙවර එහි ලේකම්ධූරයට පත්ව ඇති අතර එහි හිටපු ලේකම් වෛද්‍ය නලින්ද හේරත් මහතා සංගමයේ සංස්කාරක ධුරය සඳහා තෝරාගෙන ඇත.
රජයේ වෛද්‍ය නිලධාරීන්ගේ සංගමයේ වාර්ෂික මහා සභා රැස්වීම විද්වත් වෘත්තිකයින්ගේ සංගම් ශාලාවේදී පැවති අතර නව නිලධාරී මණ්ඩලය තෝරාගැනීම සහ සාමාජිකයින්ට හා සෞඛ්‍ය සේවයට අදාළ කරුණු රැසක් සාකච්ඡා කිරීම එහිදී සිදුවූ බව ලේකම් වෛද්‍ය නවීන් ද සොයිසා මහතා පැවසීය.