ඉන්දියාවෙන් ආනයනය කරන පරිප්පුවලද විශාල වශයෙන් විෂ රසායනික අඩංගු බව පාර්ලිමේන්තු මන්ත්‍රී පූජ්‍ය අතුරලියේ රතන හිමියන් පවසයි.
උන් වහන්සේ මේ බව පැවසුවේ වස විස නැති රටක් – ජාතික වැඩපිළිවෙල එලිදැක්වීමට අදාළව අද පැවති ප‍්‍රවෘත්ති සාකච්ඡාවකදීයි.
“මම බයනැතුව කියනවා ලංකාවේ පරික්ෂා කලොත් ලංකාවේ පරිප්පු වල විශේෂයෙන්ම ඉන්දියාවෙන් ගෙන්නන පරිප්පු වල විශාල වශයෙන් බැරලෝහවර්ග අන්තර්ගතයි. ඒකට හේතුව ඉන්දියාව විශාල වශයෙන් කෘෂි රසායන ද්‍රව්‍ය හුඟක් ප්‍රදේශ වල යොදනවා.
කෘෂි රසායන නොවිදා කරන ගොවිතැනුත් ඉන්දියාවේ තියෙනවා. ඒක ඉන්දියාවේ මාකට් එකට හුඟක් මදි. එතකොට ලෝකයේ අපේ ගොවිතැන වස විසෙන් තොරව කරන්න අපිට තියෙන වාසි ඉඩකඩත් වැඩියි. නරක තත්ත්වයෙන් හොඳ තත්ත්වයට හැරෙන්න ලේසියි. පිටරටවලට හැරෙන්න හරි අමාරුයි”.
වස විස නැති රටක් – ජාතික වැඩපිළිවෙල එලිදැක්වීම ලබන 06 වනදා බණ්ඩාරනායක සම්මන්ත‍්‍රණ ශාලාවේදී ආරම්භ වනවා.