සපුගස්කන්ද තෙල් පිරිපහදුව අද(16)සිට යළි විවෘත කරන බව විදුලිබල හා බලශක්ති අමාත්‍යංශය පවසයි.
නිෂ්පාදන ක්‍රියාවලියට අවශ්‍ය බොරතෙල් නොමැති වීම හේතුවෙන් පසුගිය ඔක්තෝම්බර් මස 7 වැනිදා සපුගස්කන්ද තෙල් පිරිපහදුව වසා දැමීය.
මේ වනවිට බොරතෙල් නෞකා දෙකක තොග ගොඩබා අවසන් අතර තවත් නෞකාවක් කොළඹ වරායේ නැංගුරම්ලා ඇති බව අමාත්‍යංශය සදහන් කරයි.
ඒ අනුව අද(16)දිනයේ සිට පිරිපහදුවේ මෙහෙයුම් අඛණ්ඩව සිදුකිරීමට සැලසුම් කර තිබේ.
මෙමගින් දෛනිකව ඩීසල් මෙට්‍රික් ටොන් 1,500 ක්, පෙට්‍රල් මෙට්‍රික් ටොන් 550 ක්, භූමිතෙල් සහ ගුවන්යානා ඉන්ධන මෙට්‍රික් ටොන් 950ක් සහ නැප්තා මෙට්‍රික් ටොන් 1,500 ක් නිෂ්පාදනය කළ හැකි බව විදුලිබල හා බලශක්ති අමාත්‍යංශය සදහන් කරයි.