Colombo Today Local News

සිරකරුවන් 11,000ක් නිදහස් කර අවසන්

සුළු වැරදි සම්බන්ධයෙන් බන්ධනාගාරගතව සිටි 11,000කට අධික පිරිසක් මේ වන විට නිදහස් කර ඇති බව රාජ්‍ය අමාත්‍ය ලොහාන් රත්වත්ත මහතා පවසයි.

ලබන වෙසක් පුර පසලොස්වක පොහොය දිනය නිමිත්තෙන් තවත් රැඳවියන් පිරිසක් නිදහස් කිරීමට කටයුතු කරන බව ඔහු පවසයි.

මහනුවර ප්‍රදේශයේදී මාධ්‍ය වෙත අදහස් දක්වමින් රාජ්‍ය අමාත්‍යවරයා මේ බව කියා සිටියේය.

තමා අමාත්‍යාංශය භාරගන්නා විට රැඳවියන් 30,000කට අධික ප්‍රමාණයක් සිටි බවත් සුළු වැරදි සම්බන්ධයෙන් බන්ධනාගාරගත පිරිස මේ වන විට 18,000ක් දක්වා අවම කරගෙන ඇතැයි ද රාජ්‍ය අමාත්‍යවරයා පැවසීය.

මේ පිළිබඳ වැඩිදුරටත් අදහස් දැක්වු ඒ මහතා,

“රැඳවා ගතහැකි රැඳවියන් ගණන 12,000ක්. නිදහස් දිනයේ දීත් 167ක් අපි නිදහස් කළා. ජනාධිපති සමාව යටතේ. ඒ වගේම සිව් අවුරුදු සමාලෝචනය කියලා නීතියක් තියෙනවා. ඒ නීතිය පසුගිය කාලයේ නවත්තලා තියෙනවා. මරණ දණ්ඩනය නියම වු සිරකරුවන් ජීවිතාන්තය දක්වා අඩු කරන්නත්,ජීවිතාන්තය දක්වා වු සිරකරුවන් අවුරුදු 20ට අඩු කරන්නත් ඒ සිව් අවුරුදු සමාලෝචනය යටතේ සිදුකරන්න පුළුවන්. ඒ අනුව හැසිරීම අනුව අවුරුදු 15 – 16ක් ගත වු සිරකරුවන්, අවුරුදු 65ට වැඩි සිරකරුවන් නිදහස් කිරීමේ හැකියාව ලැබෙනවා. විශ්වාස කරනවා ජනාධිපතිවරයා වෙසක් දිනයට පෙර මෙම සිව් අවුරුදු සමාලෝචනය ලබාදෙයි කියලා.“

Related posts

වරාය නගර පනතට පක්ෂ උන ඉෂාක් රහුමාන්ගේ සහ අලි සබ්රි රහීම්ගේ පක්ෂ සාමාජිකත්වය අත්හිටුවයි

colombotoday

ප්‍රබල අකුණු ඇතිවීමේ අවවාදාත්මක්

colombotoday

කුමාර වෙල්ගමගෙන් කථානායකට ලිපියක්

colombotoday

පාස්කු ප‍්‍රහාරයට වරදකරුවන් වන ප‍්‍රධානතම අන්තවාදීන්ට අධි ආරක්ෂිත සිරගෙයක්

colombotoday

“තෙල් බවුසරයට ගිනි තිබ්බ නම් අද රඹුක්කනක් නෑ… පොලීසිය තමන්ට ඇති බලතල අනුව කටයුතු කළා.”

colombotoday

මට හොඳටම අමාරුයි, වැටුප දෙන්න බෑ. මට ඔච්චරයි තියෙන්නේ.

colombotoday