Colombo Today Local News

හෙට සිට දිවයිනේ සියලුම දිස්ත්‍රික්ක වල ඇඳිරි නීතිය ලිහිල් කෙරේ

කොරෝනා වෛරසය ව්‍යාප්තවීම පාලනය කිරීමේ පියවරක් ලෙස කොළඹ සහ ගම්පහ දිස්ත්‍රික්ක සඳහා එක දිගටම ක්‍රියාත්මක කෙරුණු ඇදිරි නීතිය මාස දෙකකුත් සතියකට පමණ පසුව හෙට(26)දින ඉවත් කෙරෙයි.

ඒ අනුව හෙට සිට දිවයිනේ සියලුම දිස්ත්‍රික්ක වල ඇඳිරි නීතිය දහවල් කාලයේ ඉවත් කෙරෙන අතර රාත්‍රී 10,00 සිට අළුයම 4.00 දක්වා පැය හයක කාලයක් පමණක් ඇඳිරි නීතිය ක්‍රියාත්මක වන බව රජය නිවේදනය කරයි.

කොළඹ හා ගම්පහ දිස්ත්‍රික් හැර දිවයිනේ සෙසු දිස්ත්‍රික්කවල ඇඳිරි නීතිය මෙයට පෙර ක්‍රියාත්මක වූයේ රාත්‍රී 8.00 සිට අළුයම 5.00 දක්වා පැය 9ක කාලයකි.

රටේ කොරෝනා වෛරස ව්‍යාප්තිය බොහෝ දුරට පාලනය වී ඇති හෙයින් මුළු රටේම ඇඳිරි නීතිය ලිහිල් කිරීමට පියවර ගත් බව රජයේ නිකුත් කළ නිවේදනයේ සඳහන්ය.

කොරෝනා වෛරසය පැතිරීම පාලනය සඳහා ඉකුත් මාර්තු මස 20 වන දින සිට දිවයින පුරා ක්‍රියාත්මක වන පරිදි ඇඳිරි නීතිය පැනවීමෙන් පසුව කොළඹ හා ගම්පහ දිස්ත්‍රික්කයන්හි මීට පෙර ලිහිල් කෙරුණේ එක් අවස්ථාවකදී පමණයි.

කොළඹ හා ගම්පහ දිස්ත්‍රික්කය හැර දිවයිනේ සෙසු දිස්ත්‍රික්ක අතර ගමනාගමනයටද හෙට(26)දින සිට අවසර ලැබෙන බව ජනාධිපති කාර්යාලය නිකුත් කළ නිවේදනයේ වැඩිදුරටත් සඳහන්වේ.

Related posts

රනිල් වික්‍රමසිංහ අප්‍රසාදයට පත්කිරීමට මංගල සමරවීර මුදල් අමාත්‍යාංශය යොදාගෙන – සැලසුම ජනපති සජිත්, අගමැති මංගල වීමටයි

colombotoday

රේගු අකුරට වැඩ කිරීමේ ක්‍රියාමාර්ගය අවසන්

Admin

කොටියාගලවත්ත පහළ කොටසටසේ හුදකලාබව ඉවතට

colombotoday

රජයේ වියදමින් ඔබේ ඉඩමේ පස් බුරුල් කරගැනීමට අවශ්‍යනම් ඇවිත් යන්න කියා මට ආරාධනා කරන්න

colombotoday

සාමාන්‍යපෙළ අසමත් වුවත් උසස්පෙළ කැමති අංශයකින් හදාරන්න අවස්ථාව දෙනවා – අධ්‍යාපන ඇමති අකිල

colombotoday

පාස්කු ප්‍රහාරයට සැක අත්අඩංගුවට ගත් පුද්ගලයෙකු සමග රිෂාඩ් බදුර්දීන්ගේ සබඳතා එලියට

colombotoday