Colombo Today Local News

සිරිකොත බලය අල්ලන්න රනිල් පිල සජිත් පිල සටනක

සිරිකොත බලය රැක ගැනීම හා ඇල්ලීම වෙනුවෙන් රනිල් පාර්ශවයත්, සජිත් පාර්ශවයත් සටනක යෙදී සිටින බව හිටපු ප්‍රජා සංවර්ධන රාජ්‍ය අමාත්‍ය නිමල් ලාන්සා මහතා පවසයි.

හිටපු රාජ්‍ය අමාත්‍ය නිමල් ලාන්සා මහතා මේ බව පවසා සිටියේ ඊයේ (07) දින කටාන පැවති ජනහමුවකට සහභාගි වෙමිණි.

සෞභාග්‍යය දැක්ම ප්‍රතිපත්ති මාලාව තුළින් රට හදන නිසි වැඩපිළිවෙලක් ඉදිරිපත් කරමින් එම වැඩපිළිවෙල ක්‍රියාත්මක කිරීම සදහා ශක්තිමත් පාර්ලිමේන්තුවක් ලබා ගැනීමේ අරමුණින් ශ්‍රී ලංකා පොදුජන පෙරමුණ සිය මැතිවරණ සටන මෙහෙයවමින් සිටිනවා. නමුත් රටේ ප්‍රධාන පක්ෂයක් වූ එක්සත් ජාතික පක්ෂය දෙකඩ වී ඔවුනොවුන් සිය පක්ෂය තුළ බලය රැකගැනීමේ පොරයක නිරත වෙමින් සිටින බව නිමල් ලාන්සා මහතා සදහන් කරයි.

සජිත් ප්‍රේමදාස මහතා ගෝඨාභය රාජපක්ෂ මහතා සමග වැඩකල හැකි බව පවසමින් රට පුරා මතයක් ගොඩනගමින් සිටින අතර එම සුසංයෝගය කිසිසේත් නොගැලපෙන අතර රට රකින, රට සංවර්ධනය කළ හැකි හොදම සුසංයෝගය ගෝඨාභය හා මහින්ද යන සහෝදරයින් දෙපළ බව රටේ ජනතාව හොදින් අවබෝධ කරගෙන සිටිනවා. එම සහෝදරයින් දෙපළ තස්ත්‍රවාදයෙන් රට බේරාගැනීමටත්, කොවිඩ් 19 වසංගතය පාලනය කරමින් රටත් ජනතාවත් සුරක්ෂිත කළ නායකයින් බව නිමල් ලාන්සා පවසයි.

ඉදිරි මහ මැතිවරණයෙන් ශ්‍රී ලංකා පොදුජන පෙරමුණේ ජයග්‍රහණය පිළිබදව කිසිදු සැකයක් නොමැති අතර සිය පක්ෂයේ ඉලක්කය වී තිබෙන්නේ තුනෙන් දෙකක බලයක් ලබා ගැනීමයි. සමගි ජන බලවේගය ආණ්ඩු බලය ලබා ගන්නා බවට සජිත් ප්‍රේමදාස මහතා රට පුරා ප්‍රකාශ කරමින් ගියද එය දවල් හීනයක් පමණයි. ජනාධිපතිවරණය පරාජයෙන් පසු පාක්ෂිකයන්ට සජිත් ප්‍රේමදාස මහතා සොයා ගැනීමට නොහැකි වූ අතර මහ මැතිවරණ පරාජයෙන් පසු පාක්ෂිකයන්ට මෙන්ම අපේක්ෂකයන්ටද සජිත් ප්‍රේමදාස මහතා සොයා ගත නොහැකි වනු ඇති බව නිමල් ලාන්සා මහතා වැඩිදුරටත් පැවසීය.

Related posts

අතුරු සම්මත ගිණුමට සහය දෙනවාද නැද්ද? සන්ධානයේ තීරණය මෙන්න

colombotoday

මාලි සාම සාධක රාජකාරියේ නිරත ශ්‍රී ලාංකික අණදෙන නිලධාරියා වෙනුවෙන් රජයෙන් අභියාචනයක්

colombotoday

ශ්‍රී ලංකා ක්‍රිකට් වසා ගත් “බෝර්න් අගේන්” පිල්ලිය !

colombotoday

තවත් පනත් කෙටුම්පත් 5කට කතානායකවරයාගේ සහතිකය

colombotoday

ත්‍රිපිටකාභිවන්දනා ජාතික සතිය අදින් ඇරඹෙයි…

colombotoday

මැණිං වෙළදපොල වීවෘත කරන දිනය පිළිබඳව ගැටලුකාරී තත්ත්වයක්

colombotoday