Colombo Today Local News

රියාජ් බදුර්දීන් අත්අඩංගුවට ගැනීම වලක්වන්න යැයි ඉල්ලු අතුරු තහනම අභියාචනාධිකරණයෙන් ප්‍රතික්ෂේපයි

හිටපු අමාත්‍ය රිෂාඩ් බදුර්දීන් ගේ සොහොයුරා වන රියාජ් බදුර්දීන් යළි අත්අඩංගුවට ගැනීම වළක්වාලමින් අතුරු තහනම් නියෝගයක් නිකුත් කරන ලෙසට ඉල්ලා ගොනු කළ රිට් පෙත්සම විභාගයට නොගෙන ප්‍රතික්ෂේප කිරීමට අභියාචනාධිකරණය අද නියෝග කළා.

මෙම පෙත්සම සම්බන්ධයෙන් නියෝගය විනිසුරු මහින්ද සමයවර්ධන මහතා සහ විනිසුරු අර්ජුන ඔබේසේකර මහතා විසින් නිකුත් කරන ලදී.

පාස්කු ඉරිදා ත්‍රස්ත ප්‍රහාරයට අදාළව තමා අපරාධ පරීක්ෂණ දෙපාර්තමේන්තුව විසින් යළි අත්අඩංගුවට ගැනීම වළක්වාලමින් අතුරු තහනම් නියෝගයක් නිකුත් කරන ලෙසට රියාජ් බදුර්දීන් අභියාචනාධිකරණයෙන් ඉල්ලා තිබුණා.

මෙම පෙත්සමේ වග උත්තරකරුවන් ලෙසට වැඩබලන පොලිස්පති සි.ඩි. වික්‍රමරත්න, අපරාධ පරීක්ෂණ දෙපාර්තමේන්තුවේ හිටපු නියෝජ්‍ය පොලිස්පති නුවන් වෙදසිංහ, නීතිපතිවරයා ඇතුළු පිරිසක් නම් කර ඇත.

පාස්කු ඉරිදා ත්‍රස්ත ප්‍රහාරය සම්බන්ධයෙන් තමා මේ වසරේ අප්‍රේල් මස 14 දින අත්අඩංගුවට ගෙන මාස පහකට අධික කාලයක් රැදවුම්භාරයේ තබා ප්‍රශ්න කළ බව පෙත්සම්කරු පවසා සිටියි. ඒ අනුව ත්‍රස්ත ප්‍රහාර සම්බන්ධයෙන් තමාට එරෙහිව ප්‍රමාණවත් සාක්ෂි නොමැති පදනම මත අපරාධ පරීක්ෂණ දෙපාර්තමේන්තුව විසින් පසුගිය 29 දින මුදා හැරීමට කටයුතු කළ බවත් පෙත්සම්කරු පවසා සිටියි.

තමා අත්අඩංගුවට ගැනීම දේශපාලන හේතූන් මත මහමැති සොහොයුරාගේ දේශපාලන ගමනට බලපෑමක් කිරීමේ අරමුණින් සිදු වූ බව ඔහු පෙත්සමෙන් පවසා සිටින අතර සාක්ෂි නොමැති පදනම මත තමා මුදා හැරීමෙන් අනතුරුව විවිධ පාර්ශවයන් නැවත පදනම් විරහිත චෝදනා එල්ල කරමින් තමා අත් අඩංගුවට ගැනීමට ඉල්ලීම් කර ඇති බව පෙත්සම්කරු පවසා සිටියි.

මේ අතර රියාජ් බදියුදීන් ඉදිරිපත් කළ රිට් පෙත්සම විභාගයට නොගෙන නිෂ්ප්‍රභකරන ලෙස ඉල්ලමින් අභියාචනාධිකරණය හමුවේ අතරමැදි පෙත්සමක් කාදිනල් මැල්කම් රංජිත් කාදිනල්තුමන් වෙනුවෙන් සෙත් සරණ ආයතනයේ අධ්‍යක්ෂ ලෝරන්ස් රාමනායක පියතුමා විසින් පෙත්සම ඉදිරිපත් කර සිටියා.

Related posts

කිත්සිරි කහටපිටිය අභාවප්‍රාප්ත වෙයි

colombotoday

නිවැරදි දේ කිරීමට නොහැකි රාජ්‍ය නිලධාරියා රටට බරකි.මගේ ක‍්‍රමයට වැඩ කරන්න බැරිනම් ඉල්ලා අස්වෙන්න..- ජනපති

colombotoday

වීරකුමාර, පියසිරි සහ සෙනෙවිරත්න ට වරෙන්තු

colombotoday

තෙවන පාසල් වාරය ආරම්භය සති දෙකකින් කල්දැමේ

colombotoday

ඉන්ධන බෙදාහැරීම හෙට සිට

colombotoday

දැවැන්ත මූල්‍ය වංචාවක්.. ශ්‍රී ලංකා ක්‍රිකට් මාධ්‍ය කළමණාකරු බ්‍රයන් තෝමස් රිමාන්ඩ්…

colombotoday