Colombo Today Local News

මෙදා මහේ වී අලෙවියට නෙට් එකෙන් සෙට් වෙන්නැයි රජය ගොවි මහතුන්ට කියයි !

මෙවර මහ කන්නයේ සිට අස්වනු වී අලෙවි මණ්ඩලයට අලෙවි කිරීමට අපෙක්ෂා කරන ගොවි මහතුන් අන්තර්ජාලය හරහා ලියාපදිංචි වීමේ නව වැඩසටහනක් වී අලෙවි මණ්ඩලය විසින් අරඹා ඇත.

මින් ඉදිරියට වී අලෙවි මණ්ඩලයට අස්වනු අලෙවි කරන ගොවි මහතුන් තම වෙබ් අඩවිය හරහා ලියාපදිංචි විය යුතු බව අනිවාර්ය කෙරෙන නිවේදනයක් ප්‍රා‍දේශීය ලේකම් කාර්යාල මගින් ගොවි සංවිධාන වෙත යවා ඇති අතර එම ලියාපදිංචිය සදහා වන අයදුම්පත ඇත්තේ ඉංග්‍රීසි භාෂාවෙනි. [ලියාපදිංචි වීමේ අයදුම්පත]

Goveent_02_600px_15_11_29_මේ හේතුව නිසා වී ගොවීන් දැඩි අපහසුතාවයකට පත් වන බව ජාතික ඒකාබද්ධ ගොවි සංවිධානය පවසයි. එහි මාධ්‍ය ලේකම් ශිෂී එදිරිසූරිය ප්‍රකාශ කළේ මෙවැනි වැඩසටහන් ක්‍රියාත්මක කිරීමට කලින් රජය ගොවි සංවිධාන සමග සාකච්ඡා කළයුතුව තිබූ බවයි. ගොවි සංවිධාන සමග එක්ව ඉතා විධිමත්ව කරනවානම් මෙම වැඩපිළිවෙලේ වරදක් නැති බවද ඔහු පැවසීය.

මෙසේ අන්තර්ජාලය මගින් ගොවීන් ලියාපදිංචි වීම නිසා අතරමැදියන් පැමිණ වී අලෙවි මණ්ඩලයට අස්වනු විකිණීම නතර වන බැවින් එහි වාසිය අත් වන්නේ ගොවීන්ට ම බව වී අලෙවි මණ්ඩලයේ සභාපතිවරයා පවසයි. කෙසේ නමුත් අයදුම්පත ඉංග්‍රීසි භාෂාවෙන් තිබීම පිළිබඳව විමසු විට අලෙවි මණ්ඩලයේ සභාපති එම් බී දිසානායක මහතා කියා සිටියේ ඉදිරියේ දී එය සිංහල භාෂාවෙන් සැකසීමට කටයුතු යොදන බවයි.

‘මෙහෙම කෙරුනහම තියෙන වාසිය තමයි මේවා ගොවිජන සේවා එකෙනුත් ලැයිස්තු අරගෙන කෘෂිකර්ම දෙපාර්තමේන්තුවෙනුත් දත්ත ලබාගෙන මේ සියල්ල සංසන්දනය කරලා නිවැරදි ගොවින්ගේ එකතුවක් හදන්න පුළුවන්. එතකොට රටම දන්නවා නිවැරදි ගොවින් කවුද කියලා. අසරණ ගොවියන් නිලධාරීන්ට යටත් වෙලා. සල්ලි දුන්නොත් විතරයි අයදුම් පත්‍ර දෙන්නේ. මේ හැම කාරනාවකදිම මේක වාසියක් වෙනවා’ යැයිද සභාපතිවරයා පැවසීය

Related posts

පාසල් ප්‍රවාහන රථවල ගාස්තු අඩු කිරීමේ තීරණයක්

Admin

“අලුත් ව්‍යවස්ථාවක් ගේන්න අපේ ආණ්ඩුවට ජනවරමක් ලැබුණේ නෑ“ – එස්.බී

colombotoday

කැලණි සරසවියේ අත්අඩංගුවට ගත් භික්ෂූන් වහන්සේ ඇතුළු සිසුන් 6ක් අද අධිකරණයට..

Admin

අපේ විතරක් නෙවෙයි… ඉන්දියාවේ හා පාකිස්ථානයේත් රුපියල බාල්දු වෙලා…

colombotoday

සහකාර පොලිස් අධිකාරීවරුන් 16ක් පොලිස් අධිකාරී නිලයට

colombotoday

තමන්ගේ නොහැකියාව වසා ගැනීමට තෙල්දෙණිය සිද්ධිය අගමැති පාවිචිචි කළා – ඥානසාර හිමි

colombotoday