Colombo Today Local News

පැහැරගැනීමක්, පහරදීමක්, ලිංගික හිරිහැර හෝ මානසික ලෙඩ නෑ… ස්විස් නාඩගම අතේ පත්තු වෙයි.. සේවිකාවට නඩු !

කොළඹ ස්විස් තානාපති කාර්යාලයේ සේවය කරන ගානියා බැනිස්ටර් ප‍්‍රැන්සිස් නමැති ශී‍්‍ර ලාංකීය නිලධාරිනියට පසුගිය නොවැම්බර් 25 වැනිදා හෝ ඊට ආසන්න දිනකදී කිසිදු පහරදීමක් හෝ ලිංගික අපයෝජනයක් සිදුවී නැති බව ඉදිරිපත් වූ වෛi වාර්තා අනුව පැහැදිලි වන බව රජයේ ජ්‍යෙෂ්ඨ අධිනීතිඥ ජනක බණ්ඩාර මහතා ඊයේ (30 දා* කොළඹ ප‍්‍රධාන මහෙස්ත‍්‍රාත් ලංකා ජයරත්න මෙනවියට දැනුම් දුන්නේය.

එම සැකකාරිය කිසිදු මානසික ආබාධයකින් නොපෙළෙන බවත් ඇය පරීක්‍ෂා කළ විශේෂඥ මානසික වෛi මණ්ඩලය විසින් ලබාදුන් වෛi වාර්තා අනුව පැහැදිලි වන බවද ජනක බණ්ඩාර මහතා පැවසීය.

ඉදිරිපත් වූ වෛi වාර්තා, සී. සී. ටී. වී. දර්ශන හා එම සැකකාරිය ගමන් කළ ටැක්සි රථවල රියැදුරන් ලබාදුන් ප‍්‍රකාශ හා පරිවේෂණීය සාක්‍ෂි අනුව පැහැර ගැනීමට අදාළව කර ඇති පැමිණිල්ල සම්පූර්ණයෙන්ම ඇය විසින් ගොතන ලද කතාන්දරයක් බව පැහැදිලි වන බවද රජයේ ජ්‍යෙෂ්ඨ අධිනීතිඥ ජනක බණ්ඩාර මහතා එහිදී අධිකරණයට පැවසීය.

එබැවින් රජයේ රස පරීක්‍ෂකවරයාගේ වාර්තාව හා දුරකථන විශ්ලේෂණ වාර්තා ලබාගෙන විමර්ශන අවසන් වූ වහාම එම නිලධාරිනියට එරෙහිව කොළඹ මහාධිකරණය හමුවේ නඩු පැවරීමට පියවර ගන්නා බවද රජයේ ජ්‍යෙෂ්ඨ අධිනීතිඥවරයා කියා සිටියේය.

ලංකාණ්ඩුවට විරුද්ධත්වය දැක්වෙන ආකාරයෙන් කටයුතු කිරීම සහ යම් නීතිමය කරුණකදී සාක්‍ෂියක් ලෙස උපයෝගී කර ගැනීමේ අදහසින් වංක ලෙස කටයුතු කිරීම ඇතුළු චෝදනා යටතේ එම සැකකාරියට එරෙහිව මහාධිකරණය හමුවේ අධිචෝදනා ගොනු කිරීමට නියමිත බවද රජයේ ජ්‍යෙෂ්ඨ අධිනීතිඥ ජනක බණ්ඩාර මහතා එහිදී අධිකරණයට වැඩිදුරටත් කීය.

රජයේ ජ්‍යෙෂ්ඨ අධිනීතිඥ ලක්මිණි ගිරිහාගම මෙනවිය සමග රජයේ ජ්‍යෙෂ්ඨ අධිනීතිඥ ජනක බණ්ඩාර මහතා පැමිණිල්ල මෙහෙය වූ අතර උප පොලිස් පරීක්‍ෂක හේමන්ත, අපරාධ පරීක්‍ෂණ දෙපාර්තමේන්තුවේ අංක 3 විශේෂ විමර්ශන අංශයේ ස්ථානාධිපති ප‍්‍රධාන පොලිස් පරීක්‍ෂක රවින්ද්‍ර විමලසිරි, සහකාර පොලිස් අධිකාරි මෙරිල් රන්ජන් ළමාහේවා, ජ්‍යෙෂ්ඨ පොලිස් අධිකාරි නුවන් අසංක යන මහත්වරුන් සමග අපරාධ පරීක්‍ෂණ දෙපාර්තමේන්තුවේ අධ්‍යක්‍ෂ ජ්‍යෙෂ්ඨ පොලිස් අධිකාරි ඩබ්ලිව්. තිලකරත්න මහතා පැමිණිල්ල වෙනුවෙන් පෙනී සිටියහ.

නීතිඥ අමිල එගොඩවත්ත, නීතිඥ සුදර්ශන ගුණවර්ධන යන මහත්වරුන් ඇතුළු නීතිඥ මණ්ඩලයක් සමග ජ්‍යෙෂ්ඨ නීතිඥ උපුල් කුමාරප්පෙරුම මහතා සැකකාර ගානියා බැනිස්ටර් ෆ‍්‍රැන්සිස් වෙනුවෙන් පෙනී සිටියහ.

මෙහිදී ගානියා බැනිස්ටර් ෆ‍්‍රැන්සිස් නමැත්තිය දැඩි ඇප කොන්දේසි පනවා රුපියල් ලක්‍ෂ පහ බැගින් වූ ශරීර ඇප දෙකක් මත මුදාහැරීමට කොළඹ ප‍්‍රධාන මහෙස්ත‍්‍රාත් ලංකා ජයරත්න මෙනවිය ඊයේ (30 දා* නියෝග කළාය.

ඇප ලබාගැනීමෙන් අනතුරුව විමර්ශන නිලධාරීන් දැනුම් දුන් විටෙක ඉදිරි විමර්ශන සඳහා අවශ්‍ය සහයෝගය ලබාදෙන ලෙසටත් එලෙස සහාය ලබා නොදුන් බවට වාර්තා වුවහොත් ඇප අවලංගු කර රක්‍ෂිත බන්ධනාගාරගත කිරීමට නියෝග කරන බවටත් තරයේ අවවාද කරමින් ප‍්‍රධාන මහෙස්ත‍්‍රාත්වරිය එම ඇප නියෝගය නිකුත් කළාය.

මේ වන විට පදිංචි මාළිගාකන්ද නිවාස සංකීර්ණයේ පිහිටි නිවස හැර වෙනත් ස්ථානයක පදිංචියට යන්නේ නම් ඒ බව අධිකරණයට වාර්තා කළ යුතු බවට ද සැකකාරියට කොන්දේසියක් පැනවූ ප‍්‍රධාන මහෙස්ත‍්‍රාත්වරිය ඇයගේ පදිංචිය සනාථ කිරීම සඳහා ග‍්‍රාම නිලධාරි සහතිකය අධිකරණයට ඉදිරිපත් කරන ලෙසට ද නියෝග කළාය.

නඩුව ලබන 09 වැනිදා යළි කැඳවීමට ද ප‍්‍රධාන මහෙස්ත‍්‍රාත්වරිය නියෝග කළාය.

ඒ. ජේ. ඒ. අබේනායක සහ කශුනි රෙබෙකා
– divaina

Related posts

එජාප මන්ත්‍රී මන්සූර් සහරාන් ත්‍රස්තයාගේ බිරිදගේ සැප දුක බලන්න රෝහලට ඇවිත්.. හරවා යැවූ වෛද්‍ය අධිකාරීට ස්ථාන මාරුවක්

colombotoday

අපේක්ෂකයින්ට අද සිට මනාප අංක නිකුත් කරයි

colombotoday

පාරිභෝගිකයින් වෙනුවෙන් නිකුත්වෙන ශ්‍රී ලංකාවේ ප්‍රථම පාරිභෝගික පුවත්පත එළිදැක්වීම අද

colombotoday

එක්සත් රාජධානියේ තරුණ සම්මානය ලංකාවේ යෙනුලි දිනා ගනී

Admin

යුද හමුදාව මුලතිව්හී තවත් මානුෂීය මෙහෙයුමක

colombotoday

වරාය ඉන්දියාවට බදු දීමට අගමැති ගෙනා යෝජනවා ජනපති විසි කරයි.. කැබිනට්ටුව ඇවිලෙයි.. ජනපතිගෙන් සැර දොස්මුරයක්..

colombotoday