World

ගබ්සාව නීතිගත කරන්නැයි මෙක්සිකෝවේ විරෝධතාවක්

මෙක්සිකෝවේ සමස්ත කාන්තා ප්‍රජාවටම සිය කැමැත්ත මත ගබ්සාවක් සිදුකරගැනීමේ අයිතිය ලබාදෙන ලෙස ඉල්ලමින් ‘මෙක්සිකෝ සිටි’ අගනුවර පැවැති විරෝධතාවක් ගැටුමකින් අවසන්වීමේ පුවතක් විදෙස් මාධ්‍ය වාර්තා කර තිබේ.

සාම්ප්‍රදායික කතෝලික ආගමිකයින් බහුතරයක් වාසය කරන මෙක්සිකෝවේ බහුතර කලාප තුළ ගබ්සාව නීති විරෝධී කටයුත්තක් ලෙසින් සැලකෙයි.

කෙසේ නමුත් රට පුරාම ගබ්සාව නීතිගත කරන්නැයි ඉල්ලා එරට කාන්තා ක්‍රියාකාරීන් රැසක් කාලයක පටන් හඬ නගන්නේ සාම්ප්‍රදායිකත්වයෙන් ඔබ්බට යමිනි.

පසුගියදා මෙවන් ක්‍රියාකාරීන් පිරිසක් පැවැත්වූ රැළියක් විසුරුවාහැරීමට පොලීසිය ගත් උත්සාහය ගැටුමකින් අවසන් වූ ආකාරය විදෙස් මාධ්‍ය වාර්තාකර තිබුණි.

රැළිය සංවිධානය කර තිබුණේ මෙක්සිකෝවේ අගනුවර වන ‘මෙක්සිකෝ සිටී’ හිදීය.

මේ රැළිය පැවැත්වුණේ ලෝක සුරක්ෂිත ගබ්සා දිනය සමරමිනි.

කෙසේ වෙතත් කාන්තා පොලිස් නිලධාරීන්ගෙන් සමන්විත විශේෂ පොලිසිය කණ්ඩායමක් විරෝධතාව විසුරුවාහැරීමට ගත් උත්සාහයේ දී දෙපිරිස අතර ගැටුමක් හටගත් බව විදෙස් වාර්තා පවසයි.

පසුගිය වසරේදී, මෙක්සිකෝවේ දකුණුදිග ඔහාකා ප්‍රාන්තය ඇතුලු කලාප කිහිපයක ගබ්සාව සඳහා නීතිමය හිමිකම ස්ථාපනය කෙරුණි.

එහෙත් මෙක්සිකෝවේ අන් සියලු කලාපයන්හි ගබ්සාව නීති විරෝධීය.

මේ කලාපවලද ගබ්සාව නීතිගතකිරීම කාන්තා ක්‍රියාකාරීන්ගේ උත්සාහය වී තිබේ.

Related posts

“ඉස්ලාමික රාජ්‍ය” ත්‍රස්තවාදීන් එකම පවුලේ සහෝදරයින් තිදෙනෙකු හිස ගසා මරා දමති

colombotoday

ලෙබනනයේ පිපිරිමෙන් මියගිය ගණන ඉහළට.. ඩුබායි රාජ්‍යයේත් විශාල ගින්නක්

colombotoday

පලස්තීන වැසියන්ට පිටවන්න පැය 4ක් පහර නොදෙන්න ඊශ්‍රායලය එකඟ වෙයි

Admin

රෝද පුටුවෙන් පැමිණි අමාත්‍යවරියට රාජ්‍ය නායක සමුළුව අහිමි වෙයි

colombotoday

ඉස්ලාමය යනු භීෂණයේ ආගමක් යැයි සඳහන් කරමින් කුවේට් ගායිකා ඉබ්ටිසම් හමීඩ් යුදෙව් ආගම වැලඳ ගනියි.

colombotoday

දකුණු අපි‍්‍රකා සහ චීන පොලිසිය ව්‍යාජ කොරෝනා එන්නත් නිපද වූ කම්හල් වටලයි

colombotoday