Colombo Today Local News

කොළඹ හතේ ගෙයක් බින්ද ප්‍රබල ඇමතියෙක් ළගදීම අත්අඩංගුවට

කොළඹ හත කුරුඳුවත්තේ පිහිටි කෝටිපති ව්‍යාපාරිකයකුට අයත් නිවසක පොලිස් ආරක්ෂාව යොදවා තිබියදී රුපියල් කෝටි ගණනක් වටිනා දේපල පැහැරගෙන යාමේ චෝදනාවලට ලක්වූ ප්‍රබල ඇමතිවරයකු හා ප්‍රධාන පොලිස් පරීක්ෂකවරයකු අත්අඩංගුවට ගැනීමට රහස් පොලිස්සිය නීතිපති උපදෙස් පතා ඇතත් එයට මෙතෙක් නීතිපති ප්‍රතිචාර ලැබී නොමැති බව වාර්තාවේ.

අදාළ අමාත්‍යවරයා ඡන්දයෙන් පරාජයට පත්ව ඡාතික ලයිස්තුවෙන් පාර්ලිමේන්තුවට පැමිණ ඇමති ධූරයක් ලබාගත් අයෙක් බවද පැවසේ.

කුරුඳුවත්ත හේවා ඇවනිව්හි පදිංචි කෝටිපති ව්‍යාපාරිකයකු තමන්ට අයත් නිවාස හා එම දේපළ කොළඹ වෛද්‍ය විද්‍යාලයට අවසන් කැමැති පත්‍රයකින් පවරා තිබේ.

තනිකඩව විසූ ඔහු 2011 දී මියගොස් දින කිහිපයකට පසුව මළසිරුර හමුවී තිබිණි.

මෙම දේපළවලට කිරුළපන ප්‍රදේශයේ තේ කොළ වෙළෙන්දකු හා පොල් වෙළෙන්දකු අයිතිවාසිකම් පෑම නිසා අධිකරණයේ නඩුවක් ගොනුකර තිබී ඇත.

මේ අතර කුරුඳුවත්ත පොලිසියේ ආරක්ෂාව යොද කිබියදී ප්‍රබල දේශපාලඥයාගේ බිරිඳ සමඝ එම නිවසට කඩා වැඳී ජීප් රියක්, රුපියල් ලක්ෂ 12කක් වටිනා පැරණි ගෘහ භාණ්ඩ, රුපියල් ලක්ෂ 12ක් වටිනා මත්පැන් බෝතලයක් ඇතුළු දේපළ බලහත්කාරයෙන් රැගෙන ගොස් ඇති බව රහස් පොලිස් පරීක්ෂණවලින් හෙළිකරගෙන තිබේ.

මේ අතර, කුරුඳුවත්ත පොලිසියේ ලොක්කෙක් අදාළ නිවසේ හිමිකරුව සිට මියගිය කේ.සී. නඩරාජා මහතාගේ ක්‍රෙඩිට් කාඩ්පත යොදාගෙන රුපියල් කෝටි ගණනක භාණ්ඩ මිලදී ගෙන ඇති බවයි.

ඔහු සුපිරි වෙළෙඳසැල් වලින් භාණ්ඩ මිලදී ගන්නා ආකාරය ඇතුළත් CCTV දර්ශනද රහස් පොලිසිය සොයාගෙන ඇති බව පැවසේ.

– srilankamirror

Related posts

දවස් තුනකට ගෑස් ගොඩබා ගනී

colombotoday

නව දුම්රිය සේවකයින් බඳවාගැනීමට අනුමැතිය

Admin

“පාසල් අගෝස්තුවේ විවෘත කරනවා”

colombotoday

කොතලාවල පනතට සරසවි ඇඳුරන්ගේත් විරෝධය | ඔන්ලයින් ඉගැන්වීම් නවතයි

colombotoday

“මෛත්‍රී – රනිල් දේශපාලන විවාහය සදාකාලිකයි.. කුහකයිනි එය දික්කසාද කරනව බොරු” – සජිත්

colombotoday

රුපියල් ලක්ෂ 48ක බිල නොගෙවූ මහනුවර පිළිකා රෝහලේ ලයිට් කපලා – ප්‍රතිකාර නවතී

Admin