කොළඹ යුනියන් පෙදෙසේ සුඛෝපභෝගී නිවාස සංකීර්ණයක කොවිඩ් ආසාදිතයන් දෙදෙනකු වාර්තා වීමත සමග එම ගොඩ නැගිල්ල සම්පුර්ණ නිරෝධායනයට ලක් කර හුදෙකලා කර තිබෙනවා.
නිවාස සංකීර්ණයේ එක කුලුනක 27 වැනි මහලේ නිවසක කාන්තාව සහ එම පවුලේ රියැදුරාට මෙලෙස වෛරසය ආසාදනය වී ඇති බවයි වාර්තා වන්නේ.
මෙම ආසාදිතයන් දෙදෙනා මේ වන විට හෝමාගම රෝහලට ඇතුළත් කර තිබෙනවා.
නිවෙස් හිමි ව්‍යාපාරිකයා හා පුතුද රෝග ලක්ෂණ පහළ කිරීම හේතුවෙන් ඊයේ (12 )දින PCR පරීක්ෂණයට ලක්කර තිබුණා.
මෙලෙස හුදෙකලා කිරීමට හේතුව වී තිබෙන්නේ එම ගොඩනැගිල්ලේ ප්‍රසිද්ධ ව්‍යාපාරිකයින් රැසක් ජීවත් වීම බව කොවිඩ් 19 මර්ධනය කිරීම පිලිබඳ ජාතික මධ්‍යස්ථානය පැවසුවා.