Colombo Today Local News

කොරෝනා ගැන අසත්‍ය ප්‍රචාර පතුරවන පුද්ගලයින් සොයන්න CIDයෙන් කණ්ඩායම් තුනක්

කොරෝනා වසංගතය සම්බන්ධයෙන් සමාජ මාධ්‍ය ඔස්සේ අසත්‍ය ප්‍රචාර පතුරවන පුද්ගලයින් සොයා අපරාධ පරික්ෂණ දෙපාර්තමේන්තුවේ පොලිස් කණ්ඩායම් 03ක් විමර්ශන ආරම්භ කර තිබේ.

නියෝජ්‍ය පොලිස්පති අජිත් රෝහණ මහතා සඳහන් කළේ, අපරාධ පරික්ෂණ දෙපාර්තමේන්තු වේ නිලධාරින් 26 දෙනෙකු එම විමර්ශන සඳහා යොදවා ඇති බවය.

කන්දකාඩු පුනරුත්ථාපන මධ්‍යස්ථානයේ කොරෝනා පොකුර නිර්මාණය විමත් සමග සමාජ මාධ්‍ය ඔස්සේ විවිධ අසත්‍ය ප්‍රචාර පැතිර යමින් පවතින බව නියෝජ්‍ය පොලිස්පති අජිත් රෝහණ මහතා සඳහන් කරයි.

යම් කරුණක් පිළිබඳ ජනතාව අතර අසන්තෝෂය ඇති කිරීම “දණ්ඩ නීති සංග්‍රහයේ 120” යන වගන්තිය අනුව දඬුවම් ලැබිය හැකි වරදක් වන බව ද ඔහු වැඩිදුරටත් පැවසීය.

ඒ අනුව වසර 2ක කාලයක් බන්ධනාගාර ගත කළ හැකි බව ද පැවසු අජිත් රෝහණ මහතා, විශේෂයෙන් මෙවැනි පුද්ගලයින් දඩයකට ලක් කළ හැකි බව ද කියා සිටියේය.

එමෙන්ම නිරෝධායන නීතින් අනුව ද මෙය වැරැද්දක් වන බවත් පැවසු නියෝජ්‍ය පොලිස්පතිවරයා, සමාජ මාධ්‍ය තුළින් ප්‍රචාරය වන තොරතුරු නිල වශයෙන් ම සත්‍යය බව නොදන්නේ නම් තම ගිණුම්වලින් එම පුවත් බෙදා හැරීමෙන් වළකින්නැයි ද ඉල්ලා සිටියේය.

Related posts

සැලසුම් කළ සැත්කම් ඇනහිටීමේ අවදානමක්

colombotoday

ඩෑන් ප්‍රියසාද් අත්අඩංගුවට…

colombotoday

දරුවන්ගේ දෙවෙනි මවට අපි දුන්න 2500න් බින්දුවක් යහපාලකයන් ගිලලා…” – හිටපු ජනපති

colombotoday

රුසියානු එයරොෆ්ලොට් ගුවන් යානයේ නඩුව නිෂ්ප්‍රභ කෙරේ

colombotoday

බිම් බෝම්බ ඉවත් කරන ප්‍රදේශයක තිබී LTTE සංවිධානයේ නිළ ඇදුම් සහ මිනිස් අස්ථි කොටස් හමු වෙයි

colombotoday

ශුක්‍රාණු ආනයන බලපත්‍ර ඉවත් කෙරේ

colombotoday