සෞදියේදී ගල් ගසා මරා දැමීමට නියමව ඇති ශ්‍රී ලාංකික කාන්තාවගේ නඩුව නැවත විභාග කිරීමට සෞදි රජය තීරණය කර ඇති බව විදේශ කටයුතු නියෝජ්‍ය අමාත්‍ය ආචාර්ය හර්ෂ ද සිල්වා මහතා පවසයි.
එය ශ්‍රී ලංකාව ලබාගත් ජයග්‍රහණයක් බවත්, විදේශ කටයුතු අමාත්‍යාංශයේ නිලධාරීන් පිරිසකට එම කාන්තාව හමුවීමට අවස්ථාව ලැබුණ බවත් ඇයට එරෙහිව පවතින නඩු තීන්දුව වෙනස් කිරීමට කටයුතු කරන බවත් අමාත්‍යවරයා පැවැසීය.
මේ අතර ගෘහ සේවය සදහා කාන්තාවන් යැවීම හැකි තරම් සීමා කිරීමට කටයුතු කරන බවත් සෞදියට ශ්‍රී ලාංකික ශ්‍රමිකයන් යැවීම නවතනවාද යන්න තවමත් තීරණයක් ගෙන නොමැති බවත් විදේශ රැකියා ඇමතිනී තලතා අතුකෝරාළ මහත්මිය ඊයේ 07 පාර්ලිමේන්තුවේදී පැවසුවාය.