මියගිය රගර් ක්‍රීඩක මොහොමඩ් වසීම් තාජුඩීන්ගේ ඝාතන සිද්ධියට අදාලව” සිරිලිය සවිය” වැඩසටහන යටතේ පැවති ඩිෆෙන්ඩර් රථය නඩු භාණ්ඩයක් වශයෙන් ඇතුළත් කිරීමට කොළඹ ප්‍රධාන මහේස්ත්රාත් රංග දිසානායක මහතා අද(03) අපරාධ පරීක්ෂණ දෙපාර්තමේන්තුවට අවසර ලබා දී ඇත.
මෙම ඩිෆෙන්ඩරය රතු කුරුස සංවිධානය මගින් සිරිලිය සවියට ලබා දී ඇති අංක WPKA 0642 දරන රථයකි.
ඝාතනයට ලක්වූ රගර් ක්‍රීඩක මොහොමඩ් වසීම් තාජුඩීන් පැහැරගෙන යාම සඳහා අදාල ඩිෆෙන්ඩර් රථය යොදාගෙන ඇති බවට පැහැදිලි සැකයක් පවතින අතර එම රථය අදාල නඩුවේ නඩු භාණ්ඩයක් වශයෙන් නම්කරන ලෙස අපරාධ පරීක්ෂණ දෙපාර්තමේන්තුව අධිකරණයෙන් කරන ලද ඉල්ලීමකට අනුව මහේස්ත්රාත්වරයා මෙම නියෝගය නිකුත් කළේය.
එසේම, එම ඩිෆෙන්ඩර් රථය කොළඹ මහේස්ත්රාත් අධිකරණ අංක තුන අධිකරණයේ විභාග වන අංක බී/849/13/12 නඩුවට අදාළව නඩු භාණ්ඩයක් ලෙස ලේඛන ගත කිරීමටද මහේස්ත්රාත්වරයා අධිකරණ ලේඛනාගාරයට නියෝග කළේය.