සිංහලයෙක් ලෙස මව් භාෂාව ලෝකය ඉදිරියේ කතා කිරීමට බිය නොවීම පිළිබඳව ආඩම්බර වන තමන්ට ජනපති මෛත්රිපාල සිරිසේන මහතා සිංහල භාෂාවෙන් එක්සත් ජාතීන්ගේ මහ සමුළුව අමතන විට ආඩම්බරයක් දැනුණු බව හිටපු ජනපති මහින්ද රාජපක්ෂ මහතා ඊයේ (15) කොළඹදී පියසේන රතුවිතාන මහතාගේ පොත් එළිදැක්වීමේ උළෙලකට එක්වෙමින් පැවසීය. ජාත්යන්තරයේදී සිංහල භාෂාවෙන් ලෝකය ඇමතීම ඇතැම් පිරිස් වැරදි ආකාරයට අර්ථකථනය කිරීමට උත්සාහ කළස එවැනිදෑ නොසලකා හැරිය යුතු යැයිද පසුගිය කාලවලදී තමා නියෝජනය කළ එක්සත් ජාතීන්ගේ සමුළුවලදී තමා මුල්වරට සිංහල හා දෙමළ භාෂාවලින් කථා කළ බවත් මතක්කර දුන්නේය.