අගමැති රනිල් වික්රමසිංහ මහතාට විරුද්ධව ඉදිරිපත් කෙරුණු විශ්වාසභංග යෝජනාව පිළිබඳ විවාදයයට පැය 12 ක කාලයක් වෙන් කිරීමට පාර්ලිමේන්තුවේ විපක්ෂ නායකයින් තීරණය කර ඇත.
පාර්ලිමේන්තු ආරංචි මාර්ග සඳහන් කරන අන්දමට දිනක විවාදයක් වෙනුවෙන් මෑත ඉතිහාසයේ මෙතරම් දීර්ඝ කාලයක් වෙන් කරන පළමු අවස්ථාව මෙය වෙයි.
විවාදය ලබන 4 වැනිදා පෙරවරු 9.30 ට ආරම්භ වී රාත්රී 9.30 දක්වා පැවැත්වීමට නියමිතය.
මේ පිළිබඳව කළ විමසුමකදී අදහස් දැක්වු කතානායක කරූ ජයසුරිය මහතා විවාදයට කාලය අවශ්ය නම් ලබා දීමට සුදානම් බව පැවසීය.
විවාදයේදී සියළු දේශපාලන පක්ෂවලට සාධාරණ කාලයක් වෙන් කරන බවද කී කතානායකවරයා ඉලෙක්ට්රොනික ක්රමය නැතිව පැරණි ක්රමයට විවාදයේ ඡන්ද විමසීම පැවැත්වීමට තීරණයක් ගෙන ඇතැයි ද සඳහන් කළේය.