වැලිකඩ බන්ධනාගාරයේ සිටි තවත් රැඳවියෙකුට නව කොරෝනා වෛරසය ආසාදනය වී ඇති බව තහවුරුවී තිබේ.
කොවිඩ් 19 පැතිරිම වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේ මෙලෙස කොරෝනා ආසාදනය වී ඇති රැඳවියා කන්දකාඩු පුනුරුත්ථාපන මධ්‍යස්ථානයේ කොරෝනා ආසාදිතයෙකුගේ ආශ්‍රිතයෙකු බවයි. ඔහු මේ වන විට නිරෝධායනයට යොමු කොට සිටි අයෙක් බව රජයේ ප්‍රවෘත්ති දෙපාර්තමේන්තුව සදහන් කරයි.
මේ වන විට මෙරටින් වාර්තා වන කොරෝනා රෝගීන් සංඛ්‍යාව 2782ක් වන අතර සුවය ලැබූ රෝගීන් ගණන 2106ක් වේ. දැනට රෝහල් තුළ ප්‍රතිකාර ලබන රෝගීන් සංඛ්‍යාව 665ක් බව සෞඛ්‍ය අංශ සඳහන් කරයි.