වැල්ලවාය දිසා හා මහේස්ත්රාත් උසාවියට පැමිණි අපරාධ පරීක්ෂණ දෙපාර්තුමේන්තුවේ පොලිස් සැරයන්වරයෙකුට කෝවිඩ් 19 වෛරසය ආසාදනයවී ඇති බව අනාවරණය වීමෙන් පසු අද (04)දින සිට අධිකරණ කටයුතු තාවකාලිකව අත්හිටුවීමට පියවර ගෙන තිබේ.
මෙම අධිකරණයේ ඉකුත් 27 වෙනිදා පැවති නඩු කටයුත්තකට සාක්ෂිදීම සඳහා පැමිණ ඇති මෙම පොලිස් සැරයන්වරයා රෝගාතුරවී කුණ්ඩසාලේ පොලිස් රෝහලට ඇතුලත් වීමෙන් අනතුරුව පෙරේදා සවස (03)දින සිදුකළ පී.සී.ආර් පරීක්ෂණයකදී ඔහු කොවිඩ් 19 ආසාදිතයෙකු බවට අනාවරණයවී ඇත.
වැල්ලවාය දිසා හා මහේස්ත්රාත් අධිකරණය විෂබීජහරණය සඳහා මෙසේ තාවකාලිකව වසා තිබෙන අතර දින කිහිපයකින් උසාවියේ කටයුතු ආරම්භ කිරීමට නියමිතය.