වමෙන් ඉස්සර කිරීමට අදාළව පනවන රුපියල් 25,000 ක දඩය සංශෝධනය කිරීමට පියවර ගන්නා බව ප්‍රවාහන සහ සිවිල් ගුවන් සේවා රාජ්‍ය අමාත්‍ය අශෝක් අබේසිංහ මහතා පවසයි.
බෝහෝ දෙනා සිදු කරන ලද ඉල්ලීම් සලකා බලා මෙම සංශෝධනය සිදු කරන බව අමාත්‍යවරයා කියා සිටියා.
ඒ අනුව දඩ මුදල්වලට අදාළ ගැසට් පත්‍රය පාර්ලිමේන්තු අනුමැතිය සඳහා යොමු කළ විට කාරක සභා අවස්ථාවේදී එම සංශෝධනය සිදු කිරීමට අපේක්ෂා කරන බවත් ඒ මහතා පැවසුවා.
කෙසේ වෙතත් සෙසු රථ වාහන වැරදි 6 සම්බන්ධයෙන් පනවා ඇති රුපියල් 25,000 දඩය එලෙසම ක්‍රියාත්මක වන බව අමාත්‍යවරයා සඳහන් කර සිටියා.