වන්නි මෙහෙයුමට දායකවූ සේනාධිපතිවරුන් 8 දෙනකුට එරෙහිව අභිරහස්‌ සාක්‌කිකරුවන් ලවා ජිනීවා මානව හිමිකම් කවුන්සිලයට පැමිණිලි කර ඇත්තේ එක්‌සත් ජාතින්ගේ හිටපු නිලධාරිනියක්‌ වූ යස්‌මින් සුකා යෑයි අනාවරණයවී ඇත.
ඇය ඉදිරිපත් කළ සාවද්‍ය යුද අපරාධ චෝදනා ගැන එම සේනාධිපතිවරුන් නවදෙනා ජනාධිපති මෛත්‍රීපාල සිරිසේන මහතා හමුවී සත්‍ය තත්ත්වය හෙළිකර තිබේ.
ශවේන්ද්‍ර සිල්වා, ජගත් ඩයස්‌, නන්දන උඩවත්ත චාගී ගාල්ලගේ, ප්‍රසන්න සිල්වා, ජගත් අල්විස්‌, කමල් ගුණරත්න, මහින්ද හතුරුසිංහ යන මේජර් ජනරාල්වරුන් එලෙස ජනාධිපති හමුවේ කරුණු දක්‌වා ඇත.
මෙම හමුදා නිලධාරීන්ට සාවද්‍ය යුද අපරාධ චෝදනා ඉදිරිපත් කරමින් යස්‌මින් සුකා පිටු 70 ක වාර්තාවක්‌ මානව හිමිකම් කවුන්සිලයට ඉදිරිපත් කර ඇත.