ශ්‍රී ලංකා ඉතිහාසයේ මෙතෙක් ගෙවීමට නියමවූ වැඩිම විදෙස් ණය ප්‍රමාණය 2019 වසරේ ගෙවීමට සිදුව ඇති අතර ඒ ඇමරිකානු ඩොලර් බිලියන 5.9 ක් වන බවත් එයින් එකවර ගෙවීමට තිබෙන විශාලතම මුදලක් අද (14) දින ගෙවා දැමුණු බවත් මුදල් හා ජනමාධ්‍ය අමාත්‍යංශයේ ඉහළ නිලධාරියෙකු පැවසීය.
ඔහු සඳහන් කළ ආකාරයට අද දිනට කල්පීරුනු ස්වෛරීත්ව බැඳුම්කර නිකුතුවක් වෙනුවෙන් වූ ඇමරිකානු ඩොලර් මිලියන 1000 ක මුදලක් එසේ ගෙවා ඇති අතර එය 2014 වසරේ රාජපක්ෂ රෙජීම පාලන සමයේදී නිකුත් කරනු ලැබුවකි.
එසේම තවත් ඇමරිකන් ඩොලර් මිලියන 500 ක ස්වෛරීත්ව බැඳුම්කර නිකුතුවක් එළඹෙන අප්‍රේල් මාසයේදී කල්පිරින අතර ඒ ගෙවීම සඳහාද රජය සූදානම් බවත් ඔහු වැඩිදුරටත් සඳහන් කළේය.
(නිව්ස් ටියුබ්)