යුද අපරාධ චෝදනා සම්බන්ධ ජිනීවා යෝජනාව ක්‍රියාත්මක නොකළහොත් 2019 වසරේදී ශ්‍රී ලංකාව එක්‌සත් ජාතීන්ගේ ආරක්‌ෂක මණ්‌ඩලයට යොමු කරන බව බ්‍රිතාන්‍ය පාර්ලිමේන්තු මන්ත්‍රී පෝල් ස්‌කූලි මානව හිමිකම් කවුන්සලයේදී ඊයේ (28 දා) තර්ජනය කළේය.
ශ්‍රී ලංකාව ජිනීවා යෝජනාව ක්‍රියාත්මක කිරීමට මේ වනතෙක්‌ කටයුතු කර නැති බවද ඔහු චෝදනා කළේය. විදේශිකයන් පස්‌ දෙනකුගෙන් සහ තමිල්නාඩුවේ හිටපු මන්ත්‍රීවරයකු වූ ගනේෂ් කුමාර්ගේ සහභාගීත්වයෙන් යුත් රැස්‌වීමකදී ඔහු එසේ ශ්‍රී ලංකාවට තර්ජනය කළේය.
එම රැස්‌වීමට ඊළාම් ක්‍රියාකාරීහු තිහකට වැඩි පිරිසක්‌ ද, රාජ්‍ය නොවන සංවිධාන ක්‍රියාකාරිනියක වන නිමල්කා ප්‍රනාන්දු මහත්මියද සහභාගීව සිටියහ.
කීර්ති වර්ණකුලසූරිය – දිවයින