Colombo Today Local News

මහා මැතිවරණයට හකීම් – බදුර්දීන් එකම පක්ෂයකින් තරඟ කිරීමේ සුදානමක්

රවුෆ් හකීම්ගේ නායකත්වයෙන් යුත් ශ්‍රී ලංකා මුස්ලිම් කොංග්‍රසයත්, රිෂාඩ් බදියුදීන්ගේ නායකත්වයෙන් යුත් සමස්ත ලංකා මහජන කොංග්‍රසයත් ලබන මහ මැතිවරණයේදී සමඟි සන්ධානයක් ලෙස තරග කිරීමට සූදානම් වෙයි.

මේ පක්ෂ දෙක එසේ සන්ධානයක් ලෙස තරග කිරීමේ එකඟතාවකට පැමිණ තිබෙන්නේ එම පක්ෂ දෙකේ පාර්ලිමේන්තු මන්ත්‍රිවරුන් පසුගියදා මක්කම ගිය වන්දනා ගමනේදීය.

මක්කම වන්දනාවට ගිය හකීම් ඇතුළු ඔහුගේ මන්ත්‍රි කණ්ඩායම මිලේනියම් හෝටලයේත්, රිෂාඩ්ගේ මන්ත්‍රි කණ්ඩායම හිල්ටන් හෝටලයේත් ලැගුªම් ගෙන ඇති අතර ඉකුත් සතියේ සිකුරාදා මේ කණ්ඩායම් දෙකේම නායකයන් දෙදෙනා මක්කම පූජනීය ස්ථානයට කැඳවා ඇති එම පල්ලියේ සහකාර අධ්‍යක්ෂ ශ්‍රී ලාංකිකයකු ද වන කුරුණෑගල සදික් හජ්ජියාර් රට වෙනුවෙන් පක්ෂ දෙක එකඟතාවකට පැමිණ ගැටුම් ඇති කර නොගෙන ඉදිරියේදී සමඟියෙන් වැඩ කළ හැකි වාතාවරණයක් ඇති කර ගන්නැයි ඉල්ලා තිබේ.

මේ හමුවෙන් පසුව සදික් හජ්ජියාර් එම මුස්ලිම් පක්ෂ දෙකේ සෙසු මන්ත්‍රිවරුන්ද කැඳවා මේ පණිවුඩය ඔවුන්ට දැනුම් දුන් බවද වාර්තා වේ. දැනට මේ පක්ෂ දෙක ඉදිරියේදී සමඟි සන්ධානයක් ලෙස මැතිවරණයට ඉදිරිපත්වීම සඳහා මූලික සාකච්ඡා ආරම්භ කර ඇති බවද එම පක්ෂ දෙකේ ආරංචි මාර්ග සඳහන් කරයි.

Related posts

ජනාධිපති කාර්යාලය ඉදිරිපිට විරෝධතාවක්

Admin

තවත් කොරෝනා ආසාදිතයින් 50ක් හඳුනාගනී

colombotoday

රංගේ, වසන්ත, සිඩ්නිට කැබිනට් නොවන ඇමතිකම්…

colombotoday

ජනාධිපතිවරණ ප‍්‍රතිඵලයෙන් රට ආපස්සට ගියා,රට ඉදිරියට ගෙනගිය බලවේගය පරාජය වුණා

colombotoday

පක්ෂ නායකයා රනිල්, ජනපති අපේක්ෂකයා සජිත් – එජාප සම්මේලනයේදී සම්මත වෙයි

colombotoday

අද පෙරවරුවේ පැය 4ක් රට පුරා දොස්තරලා ලෙඩ

colombotoday