මහනුවර ,ගලගෙදර පොලිස් වසමේ පොහොලියද්ද ප්‍රදේශයේ කොවිඩ් ආසාදිතයෙකු වාර්තා වීමත් සමග එම ප්‍රදේශයට සංචරණ සීමා පැනවීමට පොලිසිය කටයුතු කර තිබෙනවා.
ගලගෙදර පොලීසියෙන් කළ විමසීමකදී එහි ප්‍රකාශකයෙකු සඳහන් කර සිටියේ ගලගෙදර ප්‍රදේශයට ඇතුල් වන ස්ථාන දෙකකට පොලිස් මාර්ග බාධක යොදා එම ප්‍රදේශයට ඇතුල් වීම සීමා කොට ඇති බවයි.
එම ප්‍රදේශයේ ජීවත්වෙන පුද්ගලයන්ට තම අනන්‍යතාවය තහවුරු කිරීමෙන් අනතුරුව ගලගෙදර , පොහොලියද්ද ප්‍රදේශයට ඇතුළු වීමට අවසර දෙන බවත් පිටස්තර පුද්ගලයන් කිසිවෙකුටත් එම ප්‍රදේශයට ඇතුළු වීමට ඉඩ නොදෙන බවත් ඔවුන් සඳහන් කර සිටියා.