මන්නාරම සමූහ මිනිවලේ කැණීම් කටයුතු තාවකාලිකව අත්හිටුවන ලෙසට මන්නාරම මහේත්රාත් අධිකරණය නියෝගයක් නිකුත් කර තිබෙනවා.
මන්නාරම මහේත්රාත් ටි.සරවණරාජා මහතා විසිනුයි මෙම නියෝගය ලබා දී ඇත්තේ.
කැණිම් කටයුතු භාරව සිටින විශේෂඥ අධිකරණ වෛද්ය සමින්ද රාජපක්ෂ මහතා සඳහන් කළේ අස්ථී කොටස් සම්බන්ධයෙන් ප්රකාශයට පත්වූ අමෙරිකානු කාලනිර්ණ වාර්තාව අධ්යයනය කිරීමට අවශ්ය බැවින් මෙම නියෝගය ලබා දී ඇති බවයි.
අමෙරිකානු කාබන් පරීක්ෂණ වාර්තාවට අනුව මන්නාරම සමූහ මිනිවලෙන් හමුවූ අස්ථි කොටස් ක්රිස්තු වර්ෂ 1400 සහ 1650 අතර කාලයට අයත් බවට මේ වන විට අනාවරණ වී තිබෙනවා.
කාබන් පරීක්ෂාව වෙනුවෙන් ෆ්ලොරිඩා රසායනාගාරය වෙත යැවූ අස්ථී සාම්පලවල වාර්තාව මහජන ලියවිල්ලක් ලෙස මන්නාරම මහේස්ත්රාත් අධිකරණය විසින් ඊයේ ප්රසිද්ධියට පත් කළා.