මත්තල ගුවන් තොටුපොල ගබඩා අංගනයේ ගබඩා කර ඇති වී තොග අද (14) ඉවත් කරගන්නා බව ග්රාමීය ආර්ථිකය පිළිබද අමාත්යාංශය පවසයි. එහි ගබඩා කර තිබෙන වී තොග මෙට්රික් ටොන් හාරදහස් පනස් හතරක් මෙසේ ඉවත් කරගන්නා බවයි එම නිවේදනයේ වැඩි දුරටත් සදහන් වන්නේ.
මේ අතර වී ගබඩාවක් පවත්වා ගෙන යාම වෙනුවෙන් මත්තල ගුවන් තොටුපොලට අයවිය යුතු කුළිය වී අලෙවි මණ්ඩලය විසින් තවමත් ගෙවා නැතැයි ප්රවාහන අමාත්යාංශය පවසනවා.
මෙලෙස වි ගබඩාවක් පවත්වාගෙන යාම නිසා මත්තල ගුවන් තොටුපොලේ ඇතැම් උපකරණවලට හානිද සිදුව තිබෙන බවයි එම අමාත්යාංශය වැඩිදුරටත් කියාසිටියේ.
වී ගබඩා කිරිම නිසා මත්තල ගුවන් තොටුපොලට හිමි ජාත්යන්තර පිළිගැනීම අහිමි වන බව ප්රවාහන අමාත්ය නිමල් සිරිපාල ද සිල්වා මහතා ප්රකාශ කර තිබුණා.