බෝගම්බර බන්ධනාගාරයේ රැඳවියන් 7 දෙනෙකුට කොවිඩ් වෛරසය ආසාදනය වී ඇති බව තහවුරු වී තිබේ.
බන්ධනාගාර බලධාරීන් පැවසුවේ එම රැඳවියන් වැලිකන්ද කොවිඩ් ප්‍රතිකාර රෝහලට යොමු කරන බවය.
මේ අතර මහනුවර බෝගම්බර පිහිටි පැරණි බන්ධනාගාර ගොඩනැගිල්ල නිරෝධායන මධ්‍යස්ථානයක් ලෙස යොදා ගැනීමට තීරණය කර තිබේ.
බන්ධනාගාර දෙපාර්තමේන්තුව සඳහන් කළේ කොවිඩ් -19 අවදානම් සහිත රැඳවියන් එහිදී නිරෝධායන ක්‍රියාවලියට යොමු කිරීම සිදුකරන බවය.
මේ අතර වැලිකඩ බන්ධනාගාරයේ රැඳවියන් 29 දෙනෙකුට කොවිඩ් -19 වෛරසය ආසාදනය වී ඇති බව මීට පෙර තහවුරු විය.
ඔවුන් සියලුදෙනා ද ප්‍රතිකාර සඳහා වැලිකන්ද කොවිඩ් ප්‍රතිකාර රෝහල වෙත යොමු කිරීමට පියවරගෙන තිබුණි.
වැලිකඩ බන්ධනාගාරයේ නියාමකවරයෙකු ද කොවිඩ් -19 වෛරසයට ගොදුරු වී ඇති බව ඉකුත් 05 වැනිදා වාර්තා වී තිබුණි.