නීතිය හා සාමය ඇමැති ලෙස සාගල රත්නායක සහ බන්ධනාගාර ප්‍රතිසංස්කරණ ඇමැති ලෙස ඩී.එම්.ස්වාමිනාදන් මීට සුළු මොහොතකට පෙර දිව්රුම් දුන්නේය.
ඒ ජනපති මෛත්‍රිපාල සිරිසේන මහතා ඉදිරියේ ජනපති ලේකම් කාර්යාලයේදී.
නීතිය සාමය හා බන්ධනාගාර ප්‍රතිසංස්කරණ ඇමැතිවරයාවූ තිලක් මාරපන ඇවන්ගාඩ් ආරක්ෂක සමාගමේ පාවෙන අවි නැව් සම්බන්ධ සිද්ධිය මත ඉල්ලා අස්විය.
ඇවන්ගාඩ් සමාගමේ කිසිදු නීති විරෝධී කටයුත්තක් සිදු වී නොමැති බවත් පොලීසිය එම සමාගමට අයත් පාවෙන අවි ගබඩාවට කඩා පැන්නේ ලකුණු දමා ගැනීමට බවත් ඔහු පාර්ලිමේන්තුවේදී ප්‍රකාශ කළේය. තිලක් මාරපන මහතා මෙරට සිටින ජේෂ්ඨතම නීති විශාරදයෙක් වන අතර හිටපු නීතිපති වරයෙකුද වෙයි.