පාස්කු ඉරු දින කොළඹ ෂැංග්‍රිලා හෝටලයට බෝම්බ ප්‍රහාරය එල්ල කළ මොහොමඩ් ඊබ්‍රාහීම් ඉල්හාම් මොහොමඩ්ට අයත් මාතලේ හතමුණ ගාල ප්‍රදේශයේ අක්කර 25 ක ගම්මිරිස් ඉඩමක් අදාළ ග්‍රමා සේවා වසමේ ග්‍රාම නිලධාරිනිය භාරයට පවරා තිබේ.
මාතලේ ප්‍රාදේශීය ලේකම් ඒ. සී. එල්. මධුවන්ති මහත්මිය විසින් එම පැවරීම සිදු කර ඇත.
මොහොමඩ් ඊබ්‍රාහීම් ඉල්හාම් මොහොමඩ්ට අයත් මෙම ඉඩමෙහි ප්‍රදේශවාසීන් විසින් ගම්මිරිස නෙලීමට ගොස් ඇති බවට පසුගිය දින කිහිපයේදී ප්‍රදේශීය ලේකම්වරියට පැමිණිලි ලැබී තිබූ අතර ඉන් අනතුරුව එම තීරණය ගෙන ඇතැයි වාර්තා වේ.
මෙම ඉඩම පසුගිය අප්‍රේල් මස 30 වැනි දා පොලීසිය හා පොලිස් විශේෂ කාර්යයය බලකා නිලධාරීන් විසින් සොයාගනු ලැබිණි.