පාර්ලිමේන්තුව වට රවුමේදී හෙට (5දා) පැවැත්වෙන ජනරැළිය නිසා පාර්ලිමේන්තුවට විශේෂ ආරක්ෂාව ලබාදී තිබෙන බව පොලිස් මූලස්ථානය සඳහන් කරයි.
මීට අමතරව අවට ප්‍රදේශවල ආරක්ෂාවට සහ රථවාහන හැසිරවීමට පොලිස් නිලධාරීන් 1500ක් යොදවා තිබෙන බවත් මෙම ප්‍රමාණයෙන් 300ක් රථවාහන රාජකාරීවල යොදවන බවද පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා සඳහන් කළේය.
හෙට දහවල් 12 සිට දියත උයන පොල්දුව හන්දිය ප්‍රදේශයේ රථවාහන ගමනා ගමනය සීමා කරන බවත් මේ නිසා රියදුරන් විකල්ප මාර්ගවලින් ධාවනය කළ යුතු බවද අද (04දා) පැවැති මාධ්‍ය සාකච්ඡාවකදී සඳහන් කළේය.