නීතිවිරෝධීව මෙරටට ආනයනය කළ කහ කිලෝ 33,000 සහ උඳු කිලෝ 3,000ක් සමග කන්ටේනර් රථ 3ක් ගබඩා සංකීර්ණයක තිබිය දී පොලිස් භාරයට ගෙන තිබේ.
බ්ලුමැන්ඩල් පොලීසියට ලද තොරතුරක් මත එම ප්‍රදේශයේ වාහන අංගනයක තිබී අඩි 40ක් දිගැති කන්ටේනර් රථ තුනක එම කහ තොගය සඟවා තිබිය දී සොයාගෙන ඇත.
සිද්ධිය සම්බන්ධයෙන් මොහොමඩ් රිස්වි නැමැති පුද්ගලයා ඇතුළු පුද්ගලයින් 10 දෙනෙකු බ්ලුමැන්ඩල් පොලීසිය විසින් අත්අඩංගුවට ගෙන තිබේ.
එම නීතිවිරෝධී කහ සහ අනෙකුත් ද්‍රව්‍ය ඩුබායි රාජ්‍යයේ සිට මීට දින තුනකට පෙර මෙරටට ගෙන්වා ඇති අතර මට්ටක්කුලිය ප්‍රදේශයේ ව්‍යාපාරිකයෙකු එම භාණ්ඩ ආනයනය කර ඇති බව වාර්තා වේ.