ජනාධිපති මෛත්‍රීපාල සිරිසේන විසින් තමන් වෙත ලබා දීමට තීරණය කළ තානාපති ධූරය ප්‍රතික්ෂේප කළ බව බස්නාහිර පළාත් හිටපු ආණ්ඩුකාර අසාත් සාලි මහතා පවසනවා.
හිටපු ආණ්ඩුකාරවර අසාද් සාලි කියා සිටියේ, එම ධූරයෙන් ඉල්ලා අස්වීමෙන් අනතුරුව ජනාධිපතිවරයා විසින් මෙම යෝජනාව ඉදිරිපත් කළ බවයි.
එමෙන්ම ලබන 16 වනදා ජනාධිපතිවරයා සහභාගී වන විදේශ සංචාරයක් සඳහා ද එක්වන ලෙසට තමන්ට ආරාධනා කළ බවයි අසාත් සාලි මහතා සඳහන් කළේ.
කෙසේ වෙතත් ජනාධිපතිවරයා සිදු කළ එම ආරාධනය ද ප්‍රතික්ෂේප කළ බවයි එම අදහස් දැක්වීමේදී හිටපු ආණ්ඩුකාර අසාත් සාලි මහතා වැඩිදුරටත් කියා සිටියේ.