ජනාධිපතිවරයා ආණ්ඩුක්‍රම ව්‍යවස්ථාව උල්ලංඝණය කර ඇති බව මෙම තීන්දුවෙන් තහවුරු වී හමාර බව ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත් මහතා අද පැවසීය.
‘මෛත්‍රීපාල සිරිසේන මහතා නීතිය ඉදිරියේ වරදකරුවකු වෙලා ඉවරයි.‘ යැයි ද ඒ මහතා ප්‍රකාශ කළේය.
ජනාධිපතිවරයා දැනුම්වත්වම ව්‍යවස්ථාව උල්ලංඝණය කරන්නේ නම් ඊට එරෙහිව ගත හැකි ක්‍රියාමාර්ගය ආණ්ඩුක්‍රම ව්‍යවස්ථාවේ 38 වැනි වගන්තියේ සඳහන් වන බව ද විජිත හේරත් මහතා කීවේය.
අනාගතයේ කොමිසමක් හරහා මෙවැවනි කෙනකුගේ ප්‍රජා අයිතිය අහෝසි කළ හැකි බව ද ඒ මහතා සඳහන් කළේය.