හොංකොං සහ චීනයේ මැකාවු නගර යා කරමින් ඉදිකර ඇති ලෝකයේ සාගරයක් මතින් දිවෙන දිගම පාලම අද විවෘත කෙරෙන බව විදෙස් මාධ්‍ය වාර්තා කර තිබේ.
මෙම පාලමේ දිග කිලෝමීටර් 55 කින් සමන්විතය.
අමෙරිකානු ඩොලර් බිලියන 20 ක වියදමින් මෙම පාලම ඉදිකෙරෙන අතර පාලම විවෘත කිරීමේ අවස්ථාවට චීන ජනපති ෂී ජින්පිං සහභාගිවීමට ද නියමිත වේ.
ලෝකයේ සාගරයක් මතින් දිවෙන දිගම පාලම වන මෙය ජනතාවට විවෘත කිරීම අද දිනයේ සිදු කිරීමට නියමිත බව චීන බලධාරීන් පවසති.
මෙම පාලම ඉදිකිරීම සඳහා වසර 09 ක් ගත වී ඇති අතර මෙහි වැඩ කටයුතු 2016 වසරේ නිම කිරීමට සැලසුම් කර තිබුන ද 2018 වසර දක්වා මෙහි ඉදිකිරීම් සිදු කර ඇති බව සඳහන් ය.
මෙම පාලම ඉදිකිරීමත් සමග චීනයේ මැකාවු සහ හොංකොං අතර ගමන් කිරීමට ගත වන කාලය පැය 03 යි මිනිත්තු 30ක් දක්වා අඩු වන බව බලධාරීන් සඳහන් කළහ.
කෘත්‍රීම දූපතක් යා කරමින් දිවෙන උමගක් හරහා ද මෙම පාලම ගමන් කිරීම විශේෂත්වයකි.