ඛනිජ ප්‍රවාහනය සඳහා අවශ්‍ය ප්‍රවාහන බලපත්‍ර ක්‍රමය නැවත දැනුම්දෙන තෙක් තාවකාලිකව නවතා තිබේ.
පසුගිය පළමුවනදා සිට ක්‍රියාත්මක වන පරිදි එම බලපත්‍ර ක්‍රමය තාවකාලිකව ඉවත් කිරීමට පියවර ගෙන ඇති බව භූ විද්‍යා සමීක්ෂණ හා පතල් කාර්යංශයේ සභාපති අනුර වල්පොල මහතා පවසයි.
මේ සම්බන්ධයෙන් මීට පෙර වාචිකව පොලිස්පතිවරයා දැනුවත් කිරීමට පියවර ගත් අතර එය ලිඛිතව ද පොලිස්පතිවරයා වෙත දැනුම් දීමට පියවර ගත් බව අනුර වල්පොල මහතා සඳහන් කළේය.